Dhaniyeli 11:15 - Bhiblia Yo Sawuleka

¹⁵ Se mfumeli wa Wuphemba a nata, e ta aka libhiyo lo guleka, se e teka Didhoropa da Hombe; kambe mitamo ya Wulambwe kha yi na mbi timisela, hambi tindena ta vathu vakwe kha ti na mbi va ni mtamo wo timisela.

Dhaniyeli 11:15 Referans Kwoze

Ezekhiyele 17:17

Se Faro, hambi ni dibutho dakwe da hombe, ni votshe vale votala va m'vhunako, kha na mbi nga maha ta txilo ta yimbi, a txi kela mibhala ni kuaka maguma kasi kuheta vathu.

Jeremiya 6:6

Nguko Mkoma wa Mabutho a Tiyimbi a khene: Gangani tindonga mi maha libhingo la kubhiyela Jerusalema; nguko didhoropa di dinganako kutsayiswa; di taletwe ngu wutsindaveti.

Ezekhiyele 4:2

Bhala txikombiso txa kurandelwa ka dona ngu valala, u bhiya ngu diguma do tsana, veka so tshinga ngu sona, u veketela magovelo, ni so khundumusa ngu sona.

Dhaniyeli 11:6

Aniko msana ka malembe okari, mfumeli wa Egipta ni mfumeli wa Siriya va na maha txitumelelano, se mwanana wa dihorana da mfumeli wa Wulambwe a nata ka mfumeli wa Wuphemba, kasiku ve maha txitumelelano; kambe kha na mbi xayisa mtamo wa diwoko dakwe; hambi ene kha na mbi tsana, hambi diwoko dakwe; nguko ene a na ningelwa, kumweko ni vale va nga mneha, ni tate wakwe, ni wule a nga mtsanisa ka timbimo tile.

Dhaniyeli 8:7

Se ni to wona mabhongwe a txi hoka hafuhi ka hamba, a di henyile ngutu; se a to dhina hamba e funya titxheho ta yona ta timbidi, kambe hamba yi si ngani mtamo wo emisana nayo; se mabhongwe a to wisa hamba hahatshi, e yi kandetela ngu sitsendo; kha kwa maneka ni wammweyo wo hulukisa hamba ka mabhongwe.

Jeremiya 52:4

Se amu ka dilembe da wutxhanu ni mune da kufuma kwakwe, ka mtxima wa wugumi, ka ditshiku da digumi ka mtxima, kutile Nebhukodhonosori, mfumeli wa Bhabhilona, ku ta lwisa Jerusalema, ene ni dibutho dakwe dotshe, ve ta ranganyeta, ve tsivela otshe madhawa.

Jeremiya 33:4

Nguko Mkoma, Txizimu txa Israyeli, a womba xungetano ni tinyumba ta diya didhoropa, ni xungetano ngu tinyumba ta vafumeli va ka Judha, ati ti nga khundumuselwa, kasi kuvhikela didhoropa ka maphala ni matxhari.

Jeremiya 5:10

Kwelani magumani kwawe, mi txi ma khundumusela aniko mi nga ma heteleni magwito. Thaviselani tidhavi tawe nguko hi nga ta Mkoma.

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Dhaniyeli 11:14

Se ka tona timbimo tile, vathu vavangi va na wukela mfumeli wa Wulambwe; ni vanana vo karata va vathu vako va na khukha kasiku ta tsanisa txiwoniso, aniko vona va nawa.