Dhaniyeli 11:12 - Bhiblia Yo Sawuleka

¹² Se di txi kula dibutho, mbilu yakwe yi na ti kukumukisa; aniko, hambi ku ku no dawelwa mazana-zana a vathu, kha na mbi xula.

Dhaniyeli 11:12 Referans Kwoze

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

1 Timoti 3:6

Kulaveka i si nga wu i ku ngadi kwakwe kuhunduluka, kasiku asi ti kulisi, se e wela mu kuabaniswani ka Sathani.

Dhaniyeli 8:25

Se ngu wuzivi wakwe kambe, a na humelelisa wukanganyisi manza kwakwe, se mbiluni kwakwe a na tikulisa, ngu mhaka ya kuthutha a na lovisa votala e wukela mthangeli wa vathangeli, kambe a na funywa na i si nga ngu diwoko da m'thu.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Ezekhiyele 28:17

Mbilu yako yi gulekile ngu mhaka ya kutshura kwako, u onhile wutxhari wako ngu mhaka ya kuphatima kwako, ni ku tshotshile ha mafuni, ni kuvekile masoni ka vafumeli, kasi kuva txi kuwonetela.

Ezekhiyele 28:5

Mtamo wako u wu engetete ngu kuanama ka wukwewu wako; se u guletile mbilu yako ngu mhaka ya mtamo wako.

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

2 Makronika 32:25

Ezekhiya kha sikota kubonga wunene wu va nga mmahela ngu Mkoma, nguko a ti tate ngu kutikulisa mbiluni kwakwe, se kuhenya ka Mkoma ku to txhika txitimwi kwakwe, ni txitimwi ka va ka Judha ni Jerusalema.

2 Makronika 26:16

Mbimo yile Uziya a nga wona ti to wukoma wakwe wu tsani, mbilu yakwe yi to khata kutikulisa, e ndaka Mlayo wa Mkoma Txizimu txakwe, a to wulela Nyumbani ka Mkoma e hisa dibaselo ha txiluveloni ka dibaselo.

2 Makronika 25:19

Awe u khawe: Wona, ani ni xute va ka Edhomi, mbilu yako ya ti kukumukisa, ya ti guleta; konkuwa koko zumba m'tini kwako; se u ti wuletelela txani ka phango ya kuloviswa, awe ni va ka Judha kani?

2 Vafumeli 14:10

Kha ditshuri, u pekile va ka Edhomi, se mbilu yako yi ti kukumukisile; ti gulete ngu ndumeyo, u zumba m'tini kwako; se u na ti wuletelela txani kubihani, u txi na gwitisa kuwa awe, kumweko ni ditiko da ka Judha kani?

Dhewuteronome 8:14

mbilu yako yi nga ti kukumukise, se u divala Mkoma, Txizimu txako, awu a nga kuhumisa ditikoni ka Egipta, ka nyumba ya wukhumbi;

Dhaniyeli 11:11

Sekoko mfumeli wa Wulambwe a na henya, e huma ku yalwa ni mfumeli wa Wuphemba; ene a na tshanganisa dibutho da hombe, se vathu vale va na ningelwa manzani kwakwe.

Dhaniyeli 11:13

Nguko mfumeli wa Wulambwe a na tshumela e sengeleta dibutho da hombe kupinda dile do khata; se msana ka mbimo i ku malembe okari, a nata ngu kukuluveta ni dibutho da hombe da yimbi ni thundu yayingi.