Dhaniyeli 11:11 - Bhiblia Yo Sawuleka

¹¹ Sekoko mfumeli wa Wulambwe a na henya, e huma ku yalwa ni mfumeli wa Wuphemba; ene a na tshanganisa dibutho da hombe, se vathu vale va na ningelwa manzani kwakwe.

Dhaniyeli 11:11 Referans Kwoze

Dhaniyeli 8:7

Se ni to wona mabhongwe a txi hoka hafuhi ka hamba, a di henyile ngutu; se a to dhina hamba e funya titxheho ta yona ta timbidi, kambe hamba yi si ngani mtamo wo emisana nayo; se mabhongwe a to wisa hamba hahatshi, e yi kandetela ngu sitsendo; kha kwa maneka ni wammweyo wo hulukisa hamba ka mabhongwe.

Dhaniyeli 11:5

Se mfumeli wa wulambwe a na tsana, ni mmweyo wa vathangeli vakwe; se awuwa a na tsana ngutu kupinda ene, kambe a na fuma, ni mfumo wakwe i nava i di wa hombe.

Dhaniyeli 11:44

Aniko mhaka yi yi no huma ngu Wutxani ni Wuphemba yi na mu karata; se a na huma a di henyile ngutu, kuya xasela ni kudayela votala.

Dhaniyeli 2:38

Se ni hani ha kuzumbako kona vanana va vathu, sihari sa txitinga ni sinyana sa nzuma, Txizimu txi si ningete manzani kwako, txi kumaha u fuma txitimwi ka sona sotshe; awe u msungo wa silivhela.

Jeremiya 27:6

Sekoko ni ningete otshe matiko awa, manzani ka txithumi txangu Nebhukodhonosori, mfumeli wa Bhabhilona; na mninga ni sihari sa txitinga kuva si txi mthumela.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

1 Vafumeli 20:28

A to bwaka m'thu wa Txizimu a txi ta khene ka mfumeli wa Israyeli: Mkoma a womba tiya: Hambiko Vasiriya va ku kha vona: Mkoma Njizimu txa mimangoni hi nga Txizimu txa mikovani, dotshe dibutho diya da hombe ni na di ningela manzani kwako, kasi u txi na tiziva ti taku ani ni Mkoma.

1 Vafumeli 20:13

Se ku to ta woneka mprofeti ka Akabe, mfumeli wa Israyeli, a txi ta khene: Mkoma a khene: U di woni dotshe dibutho diya da hombe kani? Nyamsi ni na di ningela manzani kwako, kasi u txi na tiziva ti to ani ngani Mkoma.

Dhaniyeli 11:12

Se di txi kula dibutho, mbilu yakwe yi na ti kukumukisa; aniko, hambi ku ku no dawelwa mazana-zana a vathu, kha na mbi xula.

Dhaniyeli 11:40

Se ngu magwito ka mbimo, mfumeli wa Wulambwe a na lwa nayo, kambe mfumeli wa Wuphemba a na mtutumisa ngu sikotxikani, ni vagadhi va mahantxhi, ni sitimela so tala; se a na wulela ka matiko a txi ma fenengeta e pinda.