Dhaniyeli 10:8 - Bhiblia Yo Sawuleka

⁸ Ni to sala nokha koko, ni wona txiwoniso txiya txa hombe, ni guma mtamo; ni kutshura kwangu ku to hunduka kumaha kutsivala, se kha na sala ni mtamo ni wa wudotho.

Dhaniyeli 10:8 Referans Kwoze

Dhaniyeli 7:28

Txiwoniso txi gwitete hawa, se ngu kwangu ani Dhaniyeli, mapimo angu ma to ni xamalisa ngutu, ni khohe yangu yi to txitxa; aniko ni to veka timhaka keto mbiluni kwangu.

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Dhaniyeli 8:27

Se ani Dhaniyeli, ni to guma mtamo, ni lwala masiku okari; sekoko ni to wuka ni maha mithumo ya mfumeli; kambe ni xamalisilwe ngu mhaka ya txiwoniso, aniko ku si nga ni m'thu wu a txi pfisisako.

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Marku 9:6

Nguko ene asi ti zivi ti a nga txi womba tona, nguko va ti ni dizowa da hombe.

Matewu 17:6

Mbimo yi va nga engisa mapswi awa, vagondiswa va to wa hahatshi ngu timbanza, va txi telwa ngu dizowa da hombe ngutu.

2 Vakorinto 12:7

Ni woni siwoniso so xamalisa ngutu; se kasiku ni si ti dhumisi, ni vekilwe m'pa ha mmidini kwangu, i ku txirumwa txa Sathani, atxi txi ni peketelako, kufela ku ni si ti guleti.

Dhaniyeli 8:7

Se ni to wona mabhongwe a txi hoka hafuhi ka hamba, a di henyile ngutu; se a to dhina hamba e funya titxheho ta yona ta timbidi, kambe hamba yi si ngani mtamo wo emisana nayo; se mabhongwe a to wisa hamba hahatshi, e yi kandetela ngu sitsendo; kha kwa maneka ni wammweyo wo hulukisa hamba ka mabhongwe.

Genesisi 32:31

Ngako ditambo di txi huma, Jakobe a manekile a di tshawunyetile Peniyeli, kambe a txi khwita ngu mhaka ya nyonga yakwe.

Johani 16:32

Wonani, ya ta mbimo, ni konkuwa yi hokile, ayi mi no hangalaka, mmwani ni mmwani e teka nzila yakwe, mi txi ni siya ni di nokha; kambe kha ni nga nokha, nguko Tate a ni nani.

Eksodha 3:3

Se Mosi a to khene: “Na nga tenderuka, ni txi wona txiwoniso txiya txo xamalisa: Ngu kutxani txipopo txi si hyiko txi tshokoma kani?”

Dhaniyeli 10:16

Se tximwetxo txo fana ni vanana va vathu txi to gwesa txisofu txangu, sekoko ni to tula txisofu txangu ni womba-womba, ni txi khani ka wule a nga ti ti masoni kwangu: Nyamne wangu, ngu mhaka ya txiwoniso, ni pandisekile, ha koza ni guma ni mtamo.

Dhaniyeli 10:17

Ina txithumi txa nyamne wangu txi nga wombawombisa kutxani ni nyamne wangu kani? Nguko, i di ani, kukhukhela ka konkuwa ni gumile mtamo, kha ni sikoti ni kuhefemula.