Dhaniyeli 10:7 - Bhiblia Yo Sawuleka

⁷ Se ngani Dhaniyeli nokha ni nga wona txiwoniso txile; vavamna vale ni nga ti ti navo kha va txi wona; va ti ñotwe ngu kuthava ka hombe, ve tutuma veya barama.

Dhaniyeli 10:7 Referans Kwoze

Mithumo 9:7

Kambe majaha awa ma nga ti nayo ma ti emile ngu kuwika misana, ngu ku ma nga ti ko pfa dipswi dwe, ma si woni m'thu.

Mithumo 22:9

Ava ni nga ti navo va ku woni kuphatima kule, aniko kha va di engisa dipswi da wule a nga ti womba-womba ni nani.

Genesisi 3:10

Se Adhamu a to khene: “Ni to engisa dipswi dako thembweni muwa, se ni telwa ngu dizowa, nguko ni ti tximbwiri, se ni sisala.”

Vahebheru 12:21

Kha ditshuri, mhaka yiya i ti yo thisa ngutu, ahawa Mosi a nga za a txi womba ku khene: “Na dhudhumela ngu kuthava,”

Isaya 2:10

Tsula, wulela mndani ka marigwi, u tisisa mu ka lithulu, masoni ko thaviseka ka Mkoma, ni ka wudhumo wakwe wa hombe.

Ezekhiyele 12:18

Awe mwanana wa m'thu, u na dya dipawu dako u txi thava, ni mati u na ma sela ngu kudhudhumela ni dizowa.

Jeremiya 23:24

Ina m'thu a nga sisala ka makhalo a sihunja saku ve ni si mmoni kani? Kuwomba Mkoma. Ina kha ni tati nzuma ni mafu kani? Kuwomba Mkoma.