Dhaniyeli 10:5 - Bhiblia Yo Sawuleka

⁵ se ni to gula maso angu ni wona, ni to wona wamwamna wule a nga ti ambate syambalo sa linyu, a di sungile txiwunu txakwe ngu libhande la nzalama ho hehuka ya Ufazi.

Dhaniyeli 10:5 Referans Kwoze

Ezekhiyele 9:2

Wona taku ku ti ti ta mtxhanu wa vavamna ni mmweyo ngu nzila ya ditimba do guleka, do rendekela wuphemba, mmweyo ni mmweyo ni matxhari akwe manzani, o khundumusa ngu ona, se hagari kwawe ku ti ti ni wamwamna a nga ti ambate sa linyu, ni txiya txi nga ti ti ni so bhala ngu sona; se va to wulela veya maneka hafuhi ni txiluvelo txa koporo.

Jeremiya 10:9

Silivhela yi nga atetwa yi nehilwe ngu Tarxixi, ni nzalama ya Ufazi; mthumo wa manza a vatshuli; si ambate mkuxe wa nzuma; sotshe siya, mthumo wa titxhari.

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

Vaefesu 6:14

Emekani ngu kutsana. Sungani siwunu ngu ditshuri, di txi maha libhande lanu. Ambalani kululama ku txi maha txivhikelo txa khana yanu.

Zakariya 1:8

Ni wusiku ni woni wamwamna a di gadhile dihantxhi do bhilivila, di di emile hagari ka mindonga ya mimurta, yi nga ti ti ka mkova wa hombe; se msana kwakwe ku ti ti ni mahantxhi o bhilivila, ni o bhilivilisa kunzihala, ni o basa.

Isaya 11:5

Se kululama ku nava libhandi la txiwunu txakwe, se ditshuri di na va libhandi la tithso takwe.