Dhaniyeli 10:16 - Bhiblia Yo Sawuleka

¹⁶ Se tximwetxo txo fana ni vanana va vathu txi to gwesa txisofu txangu, sekoko ni to tula txisofu txangu ni womba-womba, ni txi khani ka wule a nga ti ti masoni kwangu: Nyamne wangu, ngu mhaka ya txiwoniso, ni pandisekile, ha koza ni guma ni mtamo.

Dhaniyeli 10:16 Referans Kwoze

Dhaniyeli 8:15

Se ku to maheka taku, mbimo yile ani Dhaniyeli ni nga wona txiwoniso txiya, ni to lava ku txi pfisisa, se ku to woneka txo fana ni m'thu txi di masoni kwangu.

Isaya 6:7

Se ngu dona di to gwesa txisofu txangu, di txi kha dona: Wona, dikala diya di gwesile txisofu txako; se wubihi wako wu thavisilwe, ni kuonha kwako ku divaletwe.

Jeremiya 1:9

Se Mkoma a to nawuluta dianza, e gwesa txisofu txangu, a txi khene kwangu Mkoma: “Wona taku na veka mapswi angu txisofuni kwako.

Dhaniyeli 8:27

Se ani Dhaniyeli, ni to guma mtamo, ni lwala masiku okari; sekoko ni to wuka ni maha mithumo ya mfumeli; kambe ni xamalisilwe ngu mhaka ya txiwoniso, aniko ku si nga ni m'thu wu a txi pfisisako.

Dhaniyeli 8:17

Aniko a to ta hafuhi ni ha ni nga ti kona, se a txi ngadi a txi ta ni to wa ngu khohe yangu ngu kuthava; kambe ene a to khene kwangu: Pfisisa awe mwanana wa m'thu, nguko txiwoniso txiya txi na tatiseka ngu mbimo yo gwita.

Dhaniyeli 7:28

Txiwoniso txi gwitete hawa, se ngu kwangu ani Dhaniyeli, mapimo angu ma to ni xamalisa ngutu, ni khohe yangu yi to txitxa; aniko ni to veka timhaka keto mbiluni kwangu.

Dhaniyeli 7:15

Se ngu kwangu, ani Dhaniyeli, moya wangu wu to xaniseka mndani kwangu, ni siwoniso sangu si to ni xamalisa.

Mtuletelo 1:13

Hagari ka sipande siya sa mtxhanu ni simbidi, ni to wona m'thu wokari wo fana ni Mwanana wa M'thu, na a di ambate nguwo yo lapha kala mikondoni, na a di yi sungile hakhana ngu libhande la nzalama.

Johani 20:28

Se Tomasi a to khene: “Mkoma wangu ni Txizimu txangu!”

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Luka 1:64

Kunukunuko txi to tuleka txisofu txakwe, li txi txhatxheka lidimi lakwe, a txi khata kuwombawomba, a txi dhumisa Txizimu.

Dhaniyeli 12:8

Ani koko, ni ti pfite kambe kha na ti pfisisa, ngu konaho, ni ti khani: “Awe Nyamne wangu, ngu ahi magwito a timhaka tiya kani?”

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Ezekhiyele 33:22

Wona, dianza da Mkoma di ti ti txitimwi kwangu ni minova, asi se ta awule a nga ti hulukile; di to tula txisofu txangu, kala a txi ta hoka kwangu ni mixo; se txisofu txangu txi to tuleka, kha na malala kambe.

Ezekhiyele 3:27

Aniko ngako ni txi womba-womba ni nawe, ni na tula txisofu txako, se u na va gela ku khawe: Mkoma a womba tiya: Awu a engisako a na engise, awu asi laviko kuengisa a na leke; nguko vona mba nyumba yo eyisa.

Ezekhiyele 1:26

Se txitimwi ka ndengalenga yile yi nga ti ti txitimwi ka misungo ya sona, ku ti ti ni txitulu txa wukoma txo nga dirigwi da safira; se txitimwi ka txile txo fana ni txitulu txa wukoma, ku ti ti ni txo fana ni m'thu, ngu txitimwi ka kona.

Ekleziyaste 1:18

Nguko amu ka wutxhari wawungi ku ni kukarala ngutu; se awule a andisako wuzivi a andisa mthumo.

Valamuli 13:8

Sekoko koneko Manowa a to kombela ka Mkoma, a txi khene: O! Nyamne wangu, na ku kombela ti to m'thu wa Txizimu, awule u nga mruma, a na engete a txi ta kwathu kambe, a txi ta hi gondisa ti hi dinganako ku ti maha ka mfana wu a no velekwa.

Valamuli 6:15

Se Gidhiyoni a to xamula a txi khene: “Mkoma wangu, ni na sikotisa kutxani kuhulukisa Israyeli kani? Nyumba yangu nja wusiwana ngutu hagari ka va ka Manasi, ni nani kambe ni tshole amu nyumbani ka tate wangu.”

Valamuli 6:13

Gidhiyoni a to xamula a txi khene: O nyamne wangu! Ngako Mkoma a di ni nathu, tita ngu hani totshe ti ti hi humelelako kani? Si hani sotshe sidiwukiso sakwe, asiya vatate vathu va hi xawutelako, va ku kha vona: Kasi Mkoma kha hi humisa ditikoni ka Egipta kani? Kambe kona kuwa, Mkoma a hi tshotshile, aniko a hi ningete manzani ka Vamidhiyani.

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Eksodha 4:13

Ti di ngeto, Mosi a xamute a txi khene: “Ahim-him! Mkoma! Ruma mmwani a txi ya maha mthumo ewo.”

Eksodha 4:10

Sekoko Mosi a to khene ka Mkoma: “Yowe! Mkoma! Ani kha ni nga m'thu wo womba-womba ta tinene, hambi nyamnova, hambi nyatulo, hambi nyamsi konkuwa u nga womba-womba ni txithumi txako; kha ni sikoti kuwombawomba ta tinene, nguko ni m'thu wa kukangamela ni txidimiti.”

Dhaniyeli 4:19

Sekoko Dhaniyeli awule ditina dakwe i ku Bheltexezari, a to xamala, a txi dwee, ngu ora yimweyo, a txi karateka mapimoni kwakwe. Se mfumeli Nebhukodhonosori a to womba, a txi khene: “Bheltexezari, u nga karateke ngu mhaka ya mloro, hambi txhamuselo ya wona.” Bheltexezari a to xamula a txi khene: Nyamne wangu, mloro wuwa wu na wukele vale va ku nyenyako, ni txhamuselo ya wona, ka valala vako.

Dhaniyeli 8:18

Se a txi nga txi womba-womba ni nani, ni to wa hahatshi ngu khohe yangu, ni tsivala; ene koko a to ni ñola e ni emisa.