Dhaniyeli 10:12 - Bhiblia Yo Sawuleka

¹² Sekoko a to khene kwangu: U nga thave, Dhaniyeli, nguko kukhukhela ditshiku do khata u nga tsanisa mbiluni kwako, kupfisisa ni kutiveka hahatshi masoni ka Txizimu txako, txi engisile kukombela kwako; se ani ni tile ngu mhaka ya mapswi ako.

Dhaniyeli 10:12 Referans Kwoze

Dhaniyeli 10:19

Txi txi kha txona: U nga thave, wamwamna wo dhundeka ngutu! Kudikha ku nave ni nawe! Tsana, ina, tsana! Se a txi ngadi e womba-womba ni nani, ni to tsana ni txi khani: Womba-womba nyamne wangu, nguko wu ni tsanisile.

Isaya 58:9

Sekoko u na dila, kambe Mkoma a na kuxamula; u na peka huwa, se ene a na khene: “Ngani wuwa hawa.” Eto ti na maheka ngako u txi thavisa hagari kwako dikange, u leka kuxungametela ngu litiho, ni kuwombawomba ka manyala;

Matewu 28:5

Aniko ngelozi yi to womba ka vavasikati, yi txi kha yona: “Mi nga thaveni txilo, na tiziva ti to mi lava Jesu, awuwa a nga ti bethetwe ha txihambanoni.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Luka 24:38

Se ene a to va gela a txi khene: “Mi thava txani, kambe mi kana-kana ngu txani timbiluni kwanu kani?

Levhi 16:31

I Sabbata ya kuhumula kwanu, kambe mi na xanisa mihefemulo yanu; atxiya njileleto txa kwa mbi gwita.

Levhi 16:29

Awuwa mlayo ngu wu anu mi no wu vekisa ka yotshe mbimo. Ka ditshiku da wugumi, ka mtxima wa wutxhanu ni yimbidi, mi fanete mi txi va ni masaluko o ti dilela sionho sanu, anu ni valuveli vanu, avale va hanyako kumweko ni nanu, kambe mi nga nõleni mthumo ni wawumwewo.

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Mithumo 27:24

yi txi kha yona: ‘U nga thave, Paulo! U fanete kuhoka masoni ka Khezari; wona, Txizimu txi vekile manzani kwako wutomi wa votshe va u endako navo mu txitimelani.’

Masalmo 69:10

Nguko hambi ni txi dila ni kutitona sakudya vona va ni xowokisela;

Luka 2:10

Ngelozi yi to va gela yi txi kha yona: “Mi nga thaveni, nguko ni mi bikela mahungu amanene a kutsaka ka hombe, akuwa ku no va i di ka votshe vathu.

Luka 1:30

Se ngelozi yi wombile kwakwe yi txi kha yona: “Mariya, u nga thave, nguko u mani dithomo masoni ka Txizimu;

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

Marku 16:6

Kambe dijaha di to va gela di txi kha dona: “Mi nga dhukeni! Mi lava Jesu wa Nazareta, awu wo bethelwa ha txihambanoni: A wukile, kha nga ho hawa. Wonani wukhalo wu va nga ti mu vekile ka wona.

Matewu 28:10

Sekoko Jesu a to va gela a txi khene: “Mi nga thaveni txilo, tsulani mi ya gela vanathu ti to ve tsula Galileya, va na ya ni wonela kona.”

Dhaniyeli 10:11

Se a to khene kwangu: Dhaniyeli, wamwamna wo dhundeka ngutu, pfisisa kha kwati mhaka yi ni kugelako. Khukha u txi ema, nguko nyamsi ni rumilwe kwako. Se a txi nga txi womba-womba ni nani mapswi awa, ani ni ti to dhudhumela.

Mitengo 29:7

Se ngu ditshiku da digumi, ka mtxima wuwa wa wutxhanu ni yimbidi, mi na va ni msengeletano wo sawuleka, ni kukarateka timbiluni kwanu, mi nga maheni mthumo ni wawumwewo.