Dhaniyeli 10:11 - Bhiblia Yo Sawuleka

¹¹ Se a to khene kwangu: Dhaniyeli, wamwamna wo dhundeka ngutu, pfisisa kha kwati mhaka yi ni kugelako. Khukha u txi ema, nguko nyamsi ni rumilwe kwako. Se a txi nga txi womba-womba ni nani mapswi awa, ani ni ti to dhudhumela.

Dhaniyeli 10:11 Referans Kwoze

Mithumo 26:16

Aniko khukha u txi ema, nguko ni ti wonekisile kwako, ni kusawute kasiku u txi maha mthumeli ni fakazi ya ti ni nga ti wonekisisa tona kwako, ni ya ti ni no ti wonekisisa tona kambe kwako.

Marku 16:8

Vona va to huma diyivani, ve tutuma ngu kudhudhumela ni kuxamala; kha va gela txilo m'thu, nguko va ti thava.

Ezekhiyele 2:1

Se a to ni gela ku khene: Mwanana wa m'thu, khukha u txi ema, ni na womba-womba ni nawe.

Mithumo 9:6

Aniko khukha u txi wulela didhoropani, se u na gelwa ti u fanelako ku ti maha.”

Johani 21:20

Pedro ngako a txi tshembereka, a to wona mgondiswa wu a randwako ngu Jesu, na a txi va londisa. I ti wule a nga txi tshikila hakhana kwakwe Jesu txilaleloni, a txi mu wotisa ku khene: “Mkoma, i mani wu a no kuningela kani?”

Johani 13:23

Kambe mmwani wa vagondiswa vakwe, awuwa Jesu a mu randako, a ti khigetete hakhana ka Jesu.

Dhaniyeli 10:19

Txi txi kha txona: U nga thave, wamwamna wo dhundeka ngutu! Kudikha ku nave ni nawe! Tsana, ina, tsana! Se a txi ngadi e womba-womba ni nani, ni to tsana ni txi khani: Womba-womba nyamne wangu, nguko wu ni tsanisile.

Dhaniyeli 10:3

Ni sidyi sakudya so dhundeka, nyama ni vhinya si si wuleli mkanani kwangu, kambe ni si toli mafura, kala kuza kuguma mavhiki mararu.

Masalmo 45:11

nguko mfumeli a bzwetilwe ngu kutshura kwako; ene ngene mkoma wako: Mu vekele txithavo!

Jobe 37:1

Se ngu mhaka ya eto, mbilu yangu ya dhudhumela, yi ndaka ngu ha ka wukhalo wa yona;

Ndando ya Tindando 7:10

Ani ni wa txirandwa txangu, ni txona txa ni navela.

Ezekhiyele 14:14

hambi va ti ko vaho hagari ka ditiko vavamna vava vavararu i ku Nowa, Dhaniyele ni Jobe, vona ngu kululama kwawe, va ndi na hulukisa mihefemulo yawe dwe, kuwomba Mkoma Txizimu.