Dhaniyeli 1:8 - Bhiblia Yo Sawuleka

⁸ Se Dhaniyeli a to xambanya mbiluni kwakwe ti to kha na mbi thuka e ti nyenyezisa ngu kudya sakudya sa mfumeli, hambi kusela vhinya yakwe; ngu kumaha keto, a to kombela kuvhunwa ngu mthangeli wa mithenwa ku asi ti nyenyezisi.

Dhaniyeli 1:8 Referans Kwoze

Masalmo 141:4

U nga leke mbilu yangu yi wekelela ka to biha; mwendo kutalelwa ngu timhaka ta walo hambi vale va mahako to biha.

1 Vakorinto 7:37

Aniko, awu a nga ti langela ngu kutsana mbiluni kwakwe, i si nga kukurumetwa ngu txilo, a txi maneka a di txhatxhekile ta tinene kutshatani kwakwe, ti to a na xayisa mwanana wakwe wa txihoranana i di wotuma, a maha ta tinene.

Masalmo 119:115

Tsulani kule anu vabihi, kasi ni na xayisa sirumo sa Txizimu txangu!

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.

Dhaniyeli 1:5

Se mfumeli a to leleta to ditshiku dimwani ni dimwani va fanela kuningwa sakudya sile ene a dyako sona, ni vhinya yi a selako yona, ve wunjiswa toneto ngu txipimo txa malembe mararu, kasi ku msana ka ona veya maneka masoni ka mfumeli.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

Dhewuteronome 32:38

Si hani si si nga ti ti dya mafura a tihamba tawe, asi si nga txi sela vhinya yawe ya miningelo kani? Si na khukhe si txi ta mi emela, si txi ta mi vhikela.

Masalmo 106:28

Se va to khozela Bhahali-Peyori, va txi dya timhamba to mahelwa vafi.

1 Vafumeli 5:5

Se ani ni lava kuduketa kuakela nyumba ditina da Mkoma, Txizimu txangu, nga ti Mkoma a nga wombisa tona ka Dhavhidha, tate wangu, a txi khene: Mwanana wako, awu ni no m'veka ha wukhaloni kwako ka wukoma, eyo a na akela nyumba ditina dangu.

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Mavingu 23:3

U nga navele sakudya sakwe so tshamba ngutu, nguko dipawu da wukanganyisi.

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.