Dhaniyeli 1:3 - Bhiblia Yo Sawuleka

³ Se mfumeli Nebhukodhonosori a to gela Aspenazi, mthangeli wa mithenwa yakwe, taku e tisa vokari va vanana va ka Israyeli, va lixaka la vafumeli, ni va tinganakana,

Dhaniyeli 1:3 Referans Kwoze

Isaya 39:7

Se ka vanana vako, ava va no velekwa ngu ngawe, va na tekwa veya mahwa mithenwa, nyumbani ka mfumeli wa Bhabhilona.

2 Vafumeli 24:15

Sekoko, Nabhukodhonozori a to ñola Jowakimu e mtsulisa Bhabhilona, ni mame wa mfumeli, ni vasikati va mfumeli, ni mithenwa yakwe, e teka ni vanyamitamo va ditiko ngu Jerusalema kala Bhabhilona.

Jeremiya 41:1

Ku to maheka ti to ngu mtxima wa wutxhanu ni yimbidi, a txi ta Ismayeli mwana Netaniya, mwana Elixama, wa mnoha wa vafumeli, ni vathangeli va tinyimbi ta mfumeli, i ku digumi da vavamna kupata ni ene, ni Gedhaliya mwana Ahikamu, kona Misipa; se va to dya votshe dipawu kona Misipa.

Dhewuteronome 28:41

U na veleka vanana va mazambi ni vamahorana, avale va no mbi kulumba, nguko va na tsula wukhumbini.

Isaya 39:6

Wona, ma nata masiku awa aku, sotshe si nova si diho nyumbani kwako, si nga sengeletelwa ngu vatate vako kala ka ditshiku da nyamsi, si na tekwa si tsuliswa Bhabhilona; kha ku na mbi sala ni txa tximwetxo, kuwombile Mkoma.