Dhaniyeli 1:20 - Bhiblia Yo Sawuleka

²⁰ Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Dhaniyeli 1:20 Referans Kwoze

Eksodha 8:19

Sekoko tiñanga ti to kha tona ka Faro: “Aliya litiho la Txizimu!” Hambi keto, mbilu ya Faro yi simamile yi txi banga, ngu mhaka yeto kha va engisa, nga ti Mkoma a nga ti wombile.

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

Jobe 19:3

Se mi ni ruketete digumi da makhati; kha mi nga ni tingana ku mi ni wukelako.

Nehemiya 4:12

Se ku to maheka taku, va di tile Vajudha vale va nga ti zumba hagari kwawe, va tota hi zivisa digumi da sikhati, va txi ta kha vona, va nata hi wukela ngu ka otshe makhalo.

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Eksodha 8:7

Sekoko titxhari ta ditiko da Egipta, ngu wutxhari wa tona, ti to humisa makhele ma txi hangalaka txitimwi ka dotshe ditiko da Egipta.

Eksodha 7:22

Kambe titxhari ta Egipta, ni tona, ngu wutxhari wa tona ti to maha nga toneto; mbilu ya Faro yi to banga txima kha va engisa, nga ti Mkoma a nga ti wombile.

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Genesisi 31:7

Tate wanu a ni kanganyisile e txitxa muholo wangu digumi da sikhati, aniko Txizimu kha txa mtumetisa ti to e ni mahela kubiha.

Dhaniyeli 5:17

Sekoko Dhaniyeli a to xamula masoni ka mfumeli, a txi khene: Siningo sako, zumba naso, aniko ninga mmwani siningo eso sako; Hambi keto, na kugondela mibhalo, awe mfumeli, ni kugela ni txhamuselo ya kona.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

Dhaniyeli 2:13

Se ku to huma mthetho waku titxhari totshe ti fanela kudawa; se va to lava Dhaniyeli ni vangana vakwe, kasiku veya dawa.

Masalmo 119:99

Na pimisa ngutu kupinda votshe vagondisi vangu, nguko ni zumba ni txi alakanya ngutu sileleto sako.

Ezekhiyele 28:3

Wona taku u txharihile kupinda Dhaniyele: Kha ku na txihunja ni txa tximwetxo txo timeleka kwako.

Dhaniyeli 1:17

Txizimu txi to ninga mazambi awa a mune wuzivi ni mapimo wo ziva yotshe mibhalo ya wutxhari; kambe Dhaniyeli txi to mninga mapimo o txhamusela sotshe siwoniso ni miloro.