Dhaniyeli 1:2 - Bhiblia Yo Sawuleka

² Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

Dhaniyeli 1:2 Referans Kwoze

2 Makronika 36:7

Nebhukodhonosori a to teka ni siya sokari sa Nyumbani ka Mkoma, e tsula naso Bhabhilona, eya si veka dithepeleni kwakwe, kona Bhabhilona.

Zakariya 5:11

Se ngelozi yi to ni gela tiya: Vo ya yi akela nyumba ditikoni ka Sinari, aha yi no gwita kuakwa, efa yi na vekwa ka wukhalo wa yona.

Valamuli 4:2

Se Mkoma a to va ningela manzani ka Jabhini, mfumeli wa Kanana, a nga ti fumela Hazori; se Sisera i ti ti nduna ya dibutho da kona, awule a nga ti akile Haroseti-wa vamatiko.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Genesisi 11:2

Ti di ngeto, vathu va to khukha na va txita ngu wutxani, se ve mana libala ditikoni ka Sinari; ve ti akela ka lona.

Genesisi 10:10

Se Namrodhe a txi khata kufuma, a fumile madhoropa a Bhabheli, Ereke, Akadhe, madhoropa awa otshe ma ku ditikoni ka Senari.

Habhakuki 1:16

Ngu toneto, wa phaxa likokani kwakwe, ni kuhisa dibaselo mabambe ka likoka; nguko ngu sona si nonisako txyavelo txakwe, se ni sakudya sakwe si maha sasingi.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Jeremiya 51:44

Ni na tsayisa Bheli kona Bhabhilona, ni na mkosisa asile a nga si mita, kha na mbi ngadi e dhundwa kambe ngu matiko. Ni diguma da Bhabhilona di wite.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Ezra 1:7

Kambe mfumeli wa Siro a to humisa siya Nyumbani ka Mkoma, asile si nga ti ti tisilwe Jerusalema ngu Nabhukodhonozori, e ta si veka nyumbani ka sizimu sakwe.

1 Samuwele 5:2

Se Vafilista va to teka dibhokiso da Txizimu, ve di wuletisa nyumbani ka Dhagoni, ve di veka hafuhi ni Dhagoni.

Isaya 42:24

I mani a nga ningela Jakobe kuva e handwa, ni Israyeli manzani ka makhamba kani? Ina hi nga Mkoma wule va nga muonhela, wule va nga lamba kutsimbila ngu nzila yakwe, va si engisi mlayo wakwe kani?

2 Vafumeli 24:1

Ka masiku a Jehoyakimi, ku to humelela Nabhukodhonozori, mfumeli wa Bhabhilona, e xoma yimbi yo wukela Jehoyakimu e mmaha khumbi yakwe mndani ka malembe mararu; msana keto a to phemberuka e m'wukela.

Jeremiya 25:1

Dipswi diya di nga ta ka Jeremiya xungetano ngu vathu va ka Judha ngu dilembe da wumune da kufuma ka Jehoyakimu, mwana Josiya, mfumeli wa ka Judha, i nga ti dilembe do khata da kufuma ka Nebhukodhonosori, mfumeli wa Bhabhilona.

Jeremiya 27:16

Kambe ni gete vaphaxeli ni votshe vathu, ni txi khani: Mkoma a khene mi nga engiseni mapswi a vaprofeti vanu, ava va profetako kwanu, va txi kha vona: Sekoko siya sa Nyumba ya Mkoma si na wuya kona kuwa ngu Bhabhilona, nguko vo ni profetela makuhu.

Jeremiya 28:3

Ma txi nave ma di pindile malembe mambidi, ni na wuyisa ka wuwa wukhalo sotshe siya sa Nyumba ya Mkoma, asi Nebhukodhonosori, mfumeli wa Bhabhilona, a nga si tekela kona, a txi si heleketa Bhabhilona.

Jeremiya 35:11

Ku to maheka taku, mbimo yile Nebhukodhonosori, mfumeli wa Bhabhilona, a nga ta ka ditiko diya, hi ti khathu: Ngonani, hiya Jerusalema, hi thava yimbi ya Vakaldheya, ni yimbi ya Vasiriya; ngukonaho hi na ya zumba Jerusalema.

Jeremiya 50:2

Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Dhaniyeli 5:13

Sekoko Dhaniyeli a to yiswa masoni ka mfumeli. Mfumeli a to womba, atxi khene ka Dhaniyeli: Ngawe Dhaniyeli, wule wa tikhumbi ta ka Judha, atile mfumeli, tate wangu, a nga wuya na to ngu Judha kani?

2 Makronika 36:5

Jehoyakimu a to khata kufuma a di ni tanga ya magumi mambidi ni mtxhanu wa malembe, e fuma digumi da malembe ni dimwedo Jerusalema, e maha wubihi masoni ka Mkoma Txizimu txakwe.