Dhaniyeli 1:19 - Bhiblia Yo Sawuleka

¹⁹ Se mfumeli a to womba-womba navo, hagari kwawe votshe kha kwa maneka vamwani vo fana ni Dhaniyeli, Hananiya, Misayeli ni Azariya; ngu kumaha keto, va to ningwa kuthumela mfumeli.

Dhaniyeli 1:19 Referans Kwoze

Dhaniyeli 1:5

Se mfumeli a to leleta to ditshiku dimwani ni dimwani va fanela kuningwa sakudya sile ene a dyako sona, ni vhinya yi a selako yona, ve wunjiswa toneto ngu txipimo txa malembe mararu, kasi ku msana ka ona veya maneka masoni ka mfumeli.

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Genesisi 41:46

Josefa a ti ti ni tanga ya magumi mararu a malembe, mbimo yi a nga ya maneka masoni ka Faro, mfumeli wa ditiko da Egipta. Se a to khukha Josefa masoni ka Faro, e tsimbila-tsimbila ka dotshe ditiko da Egipta.

Jeremiya 15:19

Ngu konaho, Mkoma a khene: Ngako u txi tshumelela kwangu ni na ku wuyisa ti taku u txi maha mlondeteli wangu. Ni kungako u txi tisa sa lisima, u leka si so biha, awe u na va txisofu txangu. Vona va na tshumelela kwako, aniko awe khu na mbi tshumelela kwawe.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Dhaniyeli 1:6

Se hagari kwawe ku ti maneka, ka vanana va ka Judha, Dhaniyeli, Hananiya, Misayeli ni Azariya.

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.

Dhaniyeli 1:18

Se msana ka masiku ale mfumeli a nga ti wombile taku ve yiswa kwakwe, mthangeli wa mithenwa a to va yisa masoni ka Nebhukodhonosori.

Dhaniyeli 2:13

Se ku to huma mthetho waku titxhari totshe ti fanela kudawa; se va to lava Dhaniyeli ni vangana vakwe, kasiku veya dawa.

Dhaniyeli 3:29

Ani koko na veka mthetho, awu votshe vathu, matiko, tidimi, va no womba wubihi ngu Txizimu txa Xadreke, ni Mixake, ni Abhedhi-Nego, va na gangelwe, ni tinyumba takwe ti na mahwe matala; nguko kha ku na tximwani txizimu txi sikotako kuhulukisa kufana ni txiya.

Dhaniyeli 1:4

mazambi a kwa mbi na wulima ni wawumwewo, a tikhohe totshura, o tala ngu wutxhari, o txhariha amu ko gonda, va mapimo amu ka wuzivi, a ma sikotako kumaha mithumo ya nyumbani ka mfumeli, ve gondiswa kubhala ni kuwombawomba lidimi la Vakaldheya.