Dhaniyeli 1:17 - Bhiblia Yo Sawuleka

¹⁷ Txizimu txi to ninga mazambi awa a mune wuzivi ni mapimo wo ziva yotshe mibhalo ya wutxhari; kambe Dhaniyeli txi to mninga mapimo o txhamusela sotshe siwoniso ni miloro.

Dhaniyeli 1:17 Referans Kwoze

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

Jobe 32:8

Kha ditshuri ku ni moya ka m'thu, se ni kufuteta ka wa Mtamo-wotshe ku na va mahe titxhari.

Dhaniyeli 2:23

Awe Txizimu txa vatate vangu, na kudhumisa ni ku kubonga, nguko u ni ningile wutxhari ni mtamo; kambe konkuwa, u ni zivisile a ti hi nga kukombelo, ngu ku hi maha hi ziva mhaka yiya ya mfumeli.

Vakolosa 1:9

Ngu konaho, nathu, txima hi txi engisa toneto, kha ha humula ku mi khongelela ni ku mi kombelela, ti to mi txi tala ngu wuzivi wa kuranda kwakwe, ni wutxhari wotshe, ni kualakanya kotshe ka Moya;

Mavingu 2:6

Nguko Mkoma wa ninga wutxhari, kambe wuzivi ni mapimo sita ngu txisofuni kwakwe.

Mithumo 6:10

Aniko ve tandeka ku kona wuzivi wakwe ni Moya wu a nga txi womba-womba ngu wona.

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Mithumo 7:22

Mosi a gondisilwe wotshe wuzivi wa Vaegipta. Se i ti m'thu wa mtamo amu ka mapswi ni mu ka mithumo.”

Dhaniyeli 10:1

Ka dilembe da wuraru da kufuma ka Siro, mfumeli wa Persiya, dipswi di to ziviswa ka Dhaniyeli, awule a dhanwako ngu ditina daku i Bhelixazari; aniko dipswi ndinene, di kombisa yimbi ya hombe, se ene a to pfisisa dipswi diya, se e mana kupfisisisa txiwoniso.

Ezekhiyele 28:3

Wona taku u txharihile kupinda Dhaniyele: Kha ku na txihunja ni txa tximwetxo txo timeleka kwako.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Dhaniyeli 7:1

Ka dilembe do khata da Bhelxazari, mfumeli wa Bhabhilona, Dhaniyeli a to lora mloro, e wona ni siwoniso a di otete ha m'bhedhuni kwakwe; se koneko a to bhala mloro, e xawutela misungo ya timhaka ta kona.

Dhaniyeli 2:19

Sekoko txihunja txi to wonekiswa ka Dhaniyeli, amu ka mloro, ni wusiku; se Dhaniyeli a to dhumisa Txizimu txa nzumani.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Isaya 28:26

Txizimu txakwe txa m'gondisa, ni ku mkomba ati a dinganako kumaha.

Ekleziyaste 2:26

Nguko Txizimu txa ninga wutxhari, ni wuzivi, ni litsako ka m'thu wule i ku mnene masoni ka txona; aniko ka muonhi txi mninga mthumo, kasi ku e sengeletela ni kuwungeletela, se e ninga wule a nga maha ta tinene masoni ka Txizimu. Eto ni tona mbukanganyisi, ni kuxaniseka ka moya.

2 Makronika 1:10

Ni ninge koko, wuzivi ni wutxhari, kasiku ni sikota kuthangela masoni ka vathu vava; nguko i mani a ndi no lamula vathu vako vo talisa tiya kani?

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

Dhaniyeli 8:1

Ngu dilembe da wuraru da kufuma ka mfumeli Bhelixazari, ani Dhaniyeli ni to wona txiwoniso, msana ka txile ni nga txi wona do khata.

Dhaniyeli 5:14

Ni khala kupfa va txi womba ngu ngawe, ti taku moya wa sizimu wuho kwako, ni ti taku liwoningo ni mapimo, ni wutxhari wa hombe ngutu si maneka kwako.

2 Makronika 1:12

Wuzivi ni wutxhari ni na kuninga, se kambe na kuninga tithomba, ni mikhokhola, ni nduma, asile si nga mbi manwa ngu mfumeli wo khata, kha si na mbi manwa ngu m'thu ka vale vatako msana kwako.

Dhaniyeli 1:4

mazambi a kwa mbi na wulima ni wawumwewo, a tikhohe totshura, o tala ngu wutxhari, o txhariha amu ko gonda, va mapimo amu ka wuzivi, a ma sikotako kumaha mithumo ya nyumbani ka mfumeli, ve gondiswa kubhala ni kuwombawomba lidimi la Vakaldheya.

Dhaniyeli 1:18

Se msana ka masiku ale mfumeli a nga ti wombile taku ve yiswa kwakwe, mthangeli wa mithenwa a to va yisa masoni ka Nebhukodhonosori.

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Dhaniyeli 2:30

Se ani ni wonisilwe txihunja txiya, na i si nga ngu ku ani no va ni wutxhari wa hombe kupinda votshe vathu, aniko kasiku txhamuselo ya kona yi hoka ka mfumeli, ni ti to u pfisisa maalakanyo a mbilu yako.

Dhaniyeli 4:6

Ani ni to veka m'thetho waku kudhanwa totshe titxhari ta Bhabhilona, kasiku ti ta ni txhamusela mloro wangu.