Dhaniyeli 1:12 - Bhiblia Yo Sawuleka

¹² Na ku kombela, duka sithumi sako mndani ka digumi da masiku, u hi ninga matawa hidya, ni mati hi sela.

Dhaniyeli 1:12 Referans Kwoze

Varoma 14:2

Nguko likholo la mmwani la m'tumelela kudya sotshe silo, kasi awu wa ku ambi tsana, a dya mndiwo wa mazokoro dwe.

Dhaniyeli 1:16

Ngu kumaha keto, muwoneleli a to thavisa sakudya sile va nga ti dingana kudya ni vhinya ya kona, e va ninga matawa dwe.

Dhewuteronome 8:3

Se ene a mahile ti to u txi xaniseka, a ku lekile u di ni nzala, e kudyisa manna ale awe u nga ti si ma zivi, hambi vatate vako va ti si ma zive, kasi ku kukomba ti to m'thu kha hanyi ngu sakudya dwe, aniko m'thu a na hanya ngu totshe ti ti humako txisofuni ka Mkoma.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Dhaniyeli 1:11

Sekoko Dhaniyeli a to gela muwoneleli wa sakudya, awule a nga ti sawutwe ngu mthangeli wa mithenwa kasiku a txi xayisa Dhaniyeli, ni Hananiya, ni Misayeli, ni Azariya, a txi khene:

Dhaniyeli 1:13

Sekoko ti na woneka tikhohe tathu masoni kwako ni tikhohe ta mazambi ale ma dyako sakudya sa mfumeli, u na maha ka sithumi sako madingano ni ti u no ti wonisa tona.