Amosi 9:9 - Bhiblia Yo Sawuleka

⁹ Nguko ni na rumisa ni kuzuza nyumba ya ka Israyeli hagari ka otshe matiko, ku nga tile yi zuziswato tona fulaho amu ka txiselo, ku siwi ni tshenda ni ya yimweyo ha mafuni.

Amosi 9:9 Referans Kwoze

Luka 22:31

“Simoni, Simoni, wona: Sathani a kombete ku mi hehera nga kule ka fulaho.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Isaya 30:28

kuhefemula kwakwe kufana ni txinambwana txi thekelelako, txa mati o gwitela mkoloni, kasi kutsetseta matiko ngu txiselo txo mbi vhuna txilo; ni matomu o pengisa, ma nava titshayani ka vathu.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Jeremiya 31:36

Va txi hambana ni sileleto siya masoni kwangu, kuwomba Mkoma, mbewu ya ka Israyeli ni yona yi na leka kuva ditiko masoni kwamgu, ngu ha ku si gwitiko.

Jeremiya 46:28

U nga thave, awe txithumi txangu Jakobe, kuwomba Mkoma, nguko ni ni nawe; nguko ni na heta otshe matiko ale ni nga kutshotsha ka ona; aniko awe kha ni na mbi kuhetisa, ni na kupeka ngu kupimela, kha ni na mbi leka ku kutsayisa.

Jeremiya 49:36

Ni na tisa txitimwi ka Elame, mune wa mimoya ya mune wa makhona a nzuma, se ni na yi hangalasa yi londisa mimoya yiya yotshe; kambe kha di na mbi vaho ditiko di va no mbi tutumela ka dona va ka Elame.

Ezekhiyele 5:10

Ngu kumaha keto, vatate va na dya vanana vawe hagari kwanu, ni vanana va na dya vatate vawe; se ni na maha wulamuli wangu kwako, votshe vale va no sala, ni na va hangalasa ka otshe madhawa.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Ezekhiyele 20:38

Ni na thavisa hagari kwanu avale va kutitsimba, ni vale va nga ni wukela; ni na va thavisa ka matiko ale va luvelako ka ona, aniko kha va na mbi tshumelela ka ditiko da ka Israyeli; se mi na tiziva taku ani ngani Mkoma.

Ezekhiyele 36:19

Se ni to va hangalasa hagari ka matiko, va txi hangalaswa ka matiko; ni to va lamula madingano ni mahanyelo awe ni simaho sawe.

Isaya 27:12

Se ku na maheka ka ditshiku dile taku, Mkoma e sengeleta mihando yakwe, kukhukhela milongani ka mnambo, kala ka mnambo wa Egipta; se anu vanana va ka Israyeli, mi na haphelwa, mmweyo-mmweyo.

Isaya 28:28

Fulaho yo hulwa, aniko kha yi sinzwi ngutu, mwendo kuhulwa ngu mathandani a txikotxikani txa m'dimi, hambi kubhandiselwa ngu mahantxhi akwe.

Ezekhiyele 39:28

Sekoko va na tiziva taku ani ngani Mkoma, Txizimu txawe, va txi wona taku ni va mahile ve yiswa wukhumbini hagari ka matiko, ni tshumela ni va sengeleta ve wuya ditikoni kwawe, ni si siyi ni wammweyo kwawe.