Amosi 9:5 - Bhiblia Yo Sawuleka

⁵ Nguko Mkoma, Mkoma wa Mabutho a Tiyimbi, a gwesa mafu, me nyivilika, se votshe va va hanyako ka ona va na dila; kambe ma na kwela nga mnambo wa hombe ni kubhwabhwamela nga Egipta.

Amosi 9:5 Referans Kwoze

Amosi 8:8

Ditiko di na mbi zinginika ngu kona ha ka tiya kani? Kha va na mbi dila votshe va va hanyako ka dona kani? Kha ditshuri dotshe ditiko di na guleka ku nga mnambo wa hombe, di na ginyalatwa, di na nyuvela ku nga mnambo wa Egipta.

Masalmo 46:6

Matiko ma ngungurukela, mifumo ya gingiseka. Kambe Txizimu txi womba dipswi, mafu ma so bhandekela.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Isaya 64:1

O! I ti ku wo bhanda nzuma u txhika! I tiku mimango yo zinginika masoni kwako!

Matewu 7:27

Se nzuma yi nite, minambo yi tala kuva ni ndambi, txingulu txi peka ngu mtamo txitimwi ka nyumba yile, se yona yi khundumuka yi txi wa. Kuwa ka yona yi wisa manyala.”

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Hoseya 4:3

Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Jeremiya 12:4

Ina ditiko di na keta kala yihi mbimo kani? Mwasi wu txi oma txitingani, ngukonaho ka wubihi wa va va zumbako emo kani? Sihari ni sinyana sa lova, nguko va kha vona: Kha na mbi wona kugwitelwa kwathu.

Masalmo 144:5

Mkoma, releta nzuma yako u txhika; gwesa mimango, kasi ku yi na tuvika.

Masalmo 32:6

Ngu mhaka yeto, ka mbimo ya kuxaniseka, votshe vale va kuthembako va na khongela kwako, u txi ngadi u maneka; hambi mati amangi ma txi khulunga, kha ma na mbi va hokela.

Masalmo 97:5

Mimango ya nyivilika nga phula, masoni ka Mkoma Txizimu i ku nyamne wa otshe mafu.

Masalmo 104:32

Mafu ma dhudhumela, ngako Mkoma a txi ma wonetela; mimango ya tuvika wutshi, ngako ene a txi yi gwesa.

Nahume 1:5

Mimango ya zinginika masoni kwakwe, ni simangwana sa nyeka; se mafu ma guleka masoni kwakwe, ina, ditiko ni votshe va va hanyako ka dona.