Amosi 9:2 - Bhiblia Yo Sawuleka

² Hambi va txo kela kuza kuya hoka diphalani ka vafi, dianza dangu di na va thavisa kona haleya; se ngako va txi kwela nzumani, ani na va txhikisa.

Amosi 9:2 Referans Kwoze

Jeremiya 51:53

Hambi i di kova ku Bhabhilona a nga kwela nzumani, mwendo kutsanisa kuguleka ka diguma dakwe, ni ndi na m'rumela vaxaseli, kuwomba Mkoma.

Obhadhiya 1:4

Ngako u txi ti guleta kufana ni digama, u veka txisaka txako hagari ka tinyeleti, ngu koneho ni na kuwisa, kuwomba Mkoma.

Luka 10:18

Ene a to va gela ku khene: “Ani ni woni Sathani a txi wa nga kukeluka ka nzuma.

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Isaya 2:19

Sekoko vathu va na wulela tiphakoni ka marigwi, ni mu ka maphala a mafuni, ngu mhaka ya kuthava Mkoma, ni kudhumiswa ka wuhombe wakwe, ngako a txi khukha kasi kuxamalisa ditiko.

Jobe 26:6

Ka Txizimu, mndiloni kuzumba ku di tulekile, aniko kutimelani kha ku nga ni txo fenengela.

Jobe 20:6

Hambi a ti laphike kuhoka nzumani, se msungo wakwe wu hoka marefuni,

Jobe 34:22

Kha ku nga ni txidema, hambi mtsudi wa lifo, ko dingana ku vaonhi va nga sisala kona.

Ezekhiyele 26:20

sekoko ni na kureleta ni vale va relelako diphalani, ka vathu va kale, ni txi ya kuotelisa ka makhalo a hahatshi ngutu mafuni, ka makhalo a siwula sa kale, ni vale va relelako diphalani, kasi ku ku si maneki vo zumba kwako; kambe ni na veka wudhundo ka mafu a vale vo hanya.

Ezekhiyele 31:14

kasi ku yotshe mindonga ya hafuhi ni mati, yi si ti guleti ngu mhaka ya txiemo, hambi kuhumisa tshoka hagari ka madhavi o txhuma, ni ale ma selako mati, ma si ti thembiseli mapune, ngu mhaka ya kulapha ka ona; nguko otshe ma dingana kufa, kala hahatshi ngutu ka mafu, hagari ka vanana va vathu, ni vale va relelako diphalani.

Jobe 22:13

Se u khawe: Txi ziva txani Txizimu ngu tona tiya kani? Ina txi nga dhuka txi lamula amu txidemani kani?

Jobe 24:23

Ngako Txizimu txi txi va ninga kuhumula, va omelela ka toneto; sekoko maso awe ma tinzilani kwawe.