Amosi 9:15 - Bhiblia Yo Sawuleka

¹⁵ Na va simeka ditikoni kwawe, kha va na mbi thaviswa kambe ka ditiko di ni nga va ninga, kuwomba Mkoma, Txizimu txako.

Amosi 9:15 Referans Kwoze

Jeremiya 24:6

Ni na va wona ngu wunene, ni na tshumela ni va wuyisa ka diya ditiko. Ni na va akisa, ni si va wisi hahatshi; ni na va phaya ni si va duli.

Ezekhiyele 37:25

Va na zumba ka ditiko dile ni nga ninga txithumi txangu Jakobe, emo va nga ti zumbile kona vatate vanu; se va na zumba ka dona, vona ni vanana vawe, ni vatukulu vawe, yotshe mbimo; kambe txithumi txangu Dhavhidha a na va mthangeli wawe, ngu ha ku si gwitiko.

Ezekhiyele 34:28

Kha ti na mbi ngadi ti ñolwa kambe ngu vamatiko, ni sihari sa tshofu sa mafu kha si na mbi ngadi si txi ti dya kambe; ti na zumba ti di tsani, kambe kha ku na mbi va ni wo ti dhukisa.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Joyeli 3:20

Aniko Judha ku na zumbwa ngu vathu yotshe mbimo, ni Jerusalema, ka liveleko ni liveleko.

Jeremiya 32:41

Ni na zilimukiswa ngu vona, ni txi va katekisa, kambe ni na va zimeka ditikoni muwa ngu mbilu yangu yotshe ni muhefemulo wangu wotshe.

Mika 4:4

Se dimwani ni dimwani di na khalahatsha hahatshi ka m'vhinya wa dona, ni hahatshi ka mkuwu wa dona, se kha ku na mbi va ni wo va dhukisa, nguko txisofu txa Mkoma wa Mabutho a Tiyimbi, txi wombile.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Masalmo 80:8

U wuyisile ngu Egipta mndonga wa m'vhinya, u tutumisile vathu va mahedheni, u txi wu phaya.

Jeremiya 3:18

Ka onayo masiku nyumba ya ka Judha yi na longoloka kumweko ni nyumba ya ka Israyeli; va nata ngu wumbidi wawe ngu ditikoni ka Wuphemba, va txi ta ka ditiko di ni nga ninga vatate vanu kuva thomba yawe.

Jeremiya 23:8

Aniko: Mkoma a hanyako, awu a nga thangela vanana va ka Israyeli, ve huma ngu ditikoni ka Wuphemba, ni ka otshe matiko ale a nga ti va tovelete ka ona; va nata aka ditikoni kwawe.

Jeremiya 32:15

Nguko a womba tiya Mkoma wa Mabutho a Tiyimbi, Txizimu txa ka Israyeli: Mi ngadi mi txi na xava tinyumba, ni tithembwe, ni mipeto, ka diya ditiko.

Jeremiya 32:37

Wonani, ni na mi tshanganisela ngu matikoni kotshe, ayo ni nga va tutumisela ka ona kuhenyani kwangu ni txiviti txangu ni dikhulo da hombe; ni na tshumela ni va wuyisa ka wukhalo wuwa, ni va maha ve zumbiseka.

Jeremiya 33:7

Ni na wuyisa va vo ñolwa va ka Judha ni Israyeli, ni na va akisa nga kale.

Ezekhiyele 37:21

Va gele koko ku khawe: Mkoma Txizimu a khene: Wonani taku ni na teka vanana va ka Israyeli hagari ka matiko ale va nga ya ka ona, ni txi va sengeleta ngu ka otshe madhawa, ni txi va heleketa ditikoni kwawe.

Jeremiya 16:15

Aniko va na kha vona: Mkoma a hanyako, awu a nga humisa vanana va ka Israyeli ngu ditikoni ka Wuphemba, ni ka otshe matiko awa a nga ti va tutumisete ka ona. Ni na va wuyisa kambe ditikoni kwawe adi ni nga ninga vatate vawe!