Amosi 9:13 - Bhiblia Yo Sawuleka

¹³ Wonani ta ku mata masiku, kuwomba Mkoma, a ya awu a dimako, a na manela wule a elulaka; ni wule a ganyatelako mauvha, a na manela wule a phayako mbewu; mimango yi na vilisa vhinya, sotshe simangwana si na nyuka.

Amosi 9:13 Referans Kwoze

Joyeli 3:18

Se ku na maheka taku ka ditshiku dile, mimango yi na vhelisa vhinya ya yiphya, simangwanani ku na khulunga masi, yotshe minambo ya ka Judha yi na va yi di tate ngu mati; se ku na huma txisima ngu Nyumbani ka Mkoma txi theletela mkovani ka Sitime.

Johani 4:35

Kasi kha mi wombi anu, tito: ‘Ku sate mune wa mitxima, se yi na hoka mbimo ya kuelula’, kani? Kha ditshuri na mi gela ni khani: Gulani maso mi wona: Tithembwe ti nga xwee, ti lavako kuelulwa.

Isaya 55:13

Ka wukhalo wa mipa, ku na mila faya, se ka wukhalo wa txipopo, ku na mila mirta; si na va ditina da Mkoma, i ku txikombiso txi na kwa mbi pfhitwai.

Levhi 26:5

Se kuelula ku na mi hokisa mu ka kuhula, kala ka mbimo ya kuphaya; mi na dya sakudya ngu kuenela, kambe mi na hanya ngu kuzumbiseka amu ditikoni kwanu.

Ezekhiyele 36:35

Se va na kha vona: Mafu awa a txisapa ma nonile nga thembwe ya Edheni; kambe ni na tsanisa madhoropa a txiwunda, a sisapa, o khundumuselwa, ma txi va ni vathu.

Joyeli 3:20

Aniko Judha ku na zumbwa ngu vathu yotshe mbimo, ni Jerusalema, ka liveleko ni liveleko.

Masalmo 97:5

Mimango ya nyivilika nga phula, masoni ka Mkoma Txizimu i ku nyamne wa otshe mafu.

Valamuli 5:5

Mimango yi nyivilikile masoni ka Mkoma, ni wona mmango wa Sinayi, masoni ka Mkoma, Txizimu txa ka Israyeli.

Amosi 9:5

Nguko Mkoma, Mkoma wa Mabutho a Tiyimbi, a gwesa mafu, me nyivilika, se votshe va va hanyako ka ona va na dila; kambe ma na kwela nga mnambo wa hombe ni kubhwabhwamela nga Egipta.

Genesisi 49:11

Ene a na sunga tximbongolana txakwe ka m'vhinya, ni mwanana wa mbongola ka m'vhinya wo tshura ngutu; a na kuwula syambalo sakwe amu ka m'vhinya wale wa txhuko, a txi kuwula didhamba dakwe amu ka mauvha o nga mnoha.

Isaya 16:10

Se kubhuma ni litsako si thavisilwe thembweni ko nona, mivhinyani kha kuembelelwi, kambe kha ku nga ni kutsaka ka hombe ni kakumweko; ni mkami kha na mbi kamela kambe mauvha amu mapipani. Ani ni malatile kutsaka ka hombe.

Ezekhiyele 28:26

Se va na zumba ka dona ngu kutsana, va na aka tinyumba ni kuphaya mivhinya: Ina, va na zumba ngu kutsana, mbimo yile ni no lamula votshe vale va va pelako madhawani kwawe; va na tiziva taku ani ngani Mkoma, Txizimu txawe.

Joyeli 2:24

Kambe tingula ti na tala ngu fulaho, se ku na thekelela vhinya ni mafura ngu mikawuni.