Amosi 9:12 - Bhiblia Yo Sawuleka

¹² kasi kuve mana asi si nga sala ka ditiko da Edhomi, ni otshe matiko ale ma dhanwako ngu ditina dangu, kuwomba Mkoma, a mahako timhaka tiya.

Amosi 9:12 Referans Kwoze

Isaya 43:7

ka votshe vale va dhanwako ngu ditina dangu, ni vale ni nga va wunja, kasi kuva wudhumo wangu; ani ni va wumbile, ina, ani ni va vangile.

Mithumo 15:17

Kasiku vathu va va nga sala va na lava Mkoma, kumweko ni yotshe mifumo yi yi nga phaxwa ngu ditina dangu, kuwomba Mkoma.

Isaya 65:1

Ni lavilwe ngu vale va si khaliko ku wotisa ngu ngani; ni manwi ngu vale va nga ti si ni lavi; ka vathu vale va nga si dhanwi ngu ditina dangu, ni txi khani: Ngani wuwa hawa!

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Isaya 63:19

Hi tshumete hi txi nga vale u si khaliko ku va fumela, ni kufana ni vale va si khaliko kudhanwa ngu ditina dako.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Masalmo 60:8

Mowabhi mkamba wu ni sambelako ka wona; txitimwi ka Edhomi ni na rinza disandazi dangu, kurinza disandazi ka wukhalo wokari njikombiso txaku mbukhalo wa nyane wa disandazi donedo. Ni na giya ngu kuxula Vafilista.”

Genesisi 27:37

Sekoko Isaake, a to xamula ka Esawu, a txi khene: “Ani ni mmahile mfumeli wako, ni mningile votshe vanana-kulowe, ti to ve maha sithumi sakwe, ni mningile kambe fulaho ni vhinya. Se ni nga ku mahela txani kambe nawe, mwanangu, kani?”

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Malakiya 1:4

Hambi ku ngako Edhomi a txo womba a txi khene: Hi mahilwe sisiwana, ngu mhaka yeto, hi na tshumela hi aka marumbini, a womba tiya Mkoma wa Mabutho a Tiyimbi: Vona va na aka, aniko ani ni na hoxota, se va na va dhana ku Ditiko da Wubihi, ni Vathu vale Mkoma a nga va henyela ngu ha ku si gwitiko.

Joyeli 3:8

Kambe ni na xavisa vanana vanu va mazambi ni vamahorana ngu manza a vanana va ka Judha, va no ya va xavisela ka va Sebha, ditiko da kwa mbi alakaywa, nguko Mkoma a wombile.

Mithumo 15:18

Awu a nga zivisa simaha siya kukhukhela ka timbimo ta kale.’ ”