Amosi 8:9 - Bhiblia Yo Sawuleka

⁹ Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Amosi 8:9 Referans Kwoze

Marku 15:33

Se ku di hokile txikhati txa wutxhanu ni tximwetxo, ku to phuma txidema ka dotshe ditiko kala ka txikhati txa wutxhanu ni mune.

Matewu 27:45

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Luka 23:44

Ngu txikhati txo lava kudingana ni txa wutxhanu ni tximwetxo, txidema txi to khubhunyeta dotshe ditiko kala txikhati txa wutxhanu ni mune,

Jeremiya 15:9

Awu a nga veleka mtxhanu wa vanana ni vambidi, a hohovate, a fite; ditambo dakwe di pswitikile na kuve i ngadi mitshikari; a rwate tingana ni kujujeka msungo. Ava va nga sala ni na va ningela ka ditxhari masoni ka valala vawe, kuwomba Mkoma!”

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Mika 3:6

Ngu toneto, ku na maha wusiku kwanu, kuva ku si maneki wuprofeti, kambe ku nava ni txidema kuva ku si maneki wuhuti, evo vaprofeti di na va swela ditambo, se kwawe ditshiku di na maha da mtima.

Amosi 5:8

Lavani wu a nga maha Mtxhanu wa tinyeleti ni timbidi ni Oriyoni, a phemberusa txidema txi maha kuwonekela ka mixo, e tshumela e phemberusa mitshikari yiva wusiku a wu a dhanako mati a linene e ma theletela txitimwi ka mafu; ditina dakwe i Mkoma.

Isaya 13:10

Nguko tinyeleti ta nzumani ni mitxawa ya tona, kha ti na mbi leka kuwoninga, ditambo di na pfhupela kuhumani ka dona, ni mtxima kha wu na mbi woninga.

Jobe 5:14

Vona hambi di ti txite va maneka txidemani; se ni mitshikari va tsimbilisa kumbumbutela, nga ova wusiku.

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Mtuletelo 8:12

Se ngelozi ya wunene yi to veta mpundu wa yona. Ku to hokelwa didhawa da wuraru da ditambo, didhawa da wuraru da mtxima, ni didhawa da wuraru da tinyeleti, ahawa koza didhawa da wuraru da sona di phumiswa; se mitshikari wu to luza didhawa da wuraru da kuwonekela ka wona, kufana ni wusiku ni wona.

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Jeremiya 13:16

Dhumisani Mkoma, Txizimu txanu, na ku si se maha txidema, mikondo yanu yi si se humbwa mimangoni ko phuma; mi txi ngadi mi verela liwoningo a na li phemberusa li maha mtsudi wa kufa, ni txidema txo phindeletisa kuphuma.

Ezekhiyele 32:7

Aha ni no ku tima, ni fenengeta nzuma, ni txi phumisa tinyeleti ta kona; ditambo ni na di tsivela ngu direfu, se mtima kha wu na mbi woninga.

Zakariya 14:7

Aniko di na va ditshiku do ziwa ngu Mkoma; kha ku na mbi va ni mitshikari mwendo wusiku; se ku na maheka taku, ngu mbimo ya mitshikari ku nava ni kuwonekela.