Amosi 8:7 - Bhiblia Yo Sawuleka

⁷ A xambanyile Mkoma ngu wudhumo wa Jakobe a khene: Kha ni na mbi yi divala yotshe mithumo yakwe, ngu ha ku si gwitiko.

Amosi 8:7 Referans Kwoze

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Hoseya 7:2

Kambe kha va wombi timbiluni kwawe ti to ani na alakanya wotshe wubihi wawe; konkuwa koko, va randelwa ngu mithumo yawe; ya woneka masoni kwangu.

Masalmo 10:11

Ngu msana, a womba mbiluni kwakwe, a txi khene: “Txizimu txa divala, txa sisa khohe ya txona, kha txi woni txilo.”

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Jeremiya 17:1

Txionho txa Judha txi bhatwe mbiluni ngu mtenga wa txikete, wu ku ni tshoka ya dhayimana; txi vatetwe timbiluni kwawe, ni mu ka titxheho ta siluvelo,

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Masalmo 47:4

Athu a hi sawulete thomba yathu, wudhumo wa Jakobe, txirandwa txakwe.

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Masalmo 68:34

Zivani mtamo wa Txizimu. Wuhombe wa txona wa tshanganisa ditiko da ka Israyeli; mtamo wa txona wa eneta kotshe kuanama ka tinzuma.

Eksodha 17:16

Se a txi khene: “Nguku dianza dakwe di nga wukela Mkoma. Mkoma a na maha yimbi yo wukela Amaleki ka liveleko ni liveleko.”

Jeremiya 44:21

Ina a ngava a sa alakanya Mkoma, kha da hoka mbiluni kwakwe dibaselo dile mi nga hisa madhoropani ka Judha ni tinzilani ka Jerusalema, anu ni vatate vanu, ni vafumeli vanu ni tinduna, kumweko ni vathu va ditiko kani?

Amosi 4:2

A xambanyile Mkoma Txizimu, ngu wusawuleki wakwe, ta ku masiku ma nata txitimwi kwanu, ale va no mi humisa ngu tindowo, ni vanana vanu ngu tindowo to dota ngu tona.

Jobe 24:23

Ngako Txizimu txi txi va ninga kuhumula, va omelela ka toneto; sekoko maso awe ma tinzilani kwawe.

Masalmo 47:5

Txizimu txi txhatukile txitimwi hagari ka mikulungwani ni kuvetwa ka mpundu!

Isaya 22:14

Aniko Mkoma wa Mabutho a Tiyimbi, a wombile tinzeveni kwangu a txi khene: Ngu ditshuri, wubihi wuwa kha wu na mbi thaviswa, an'ze kuza mifa, kuwomba Mkoma, Txizimu txa Mabutho a Tiyimbi.