Amosi 8:5 - Bhiblia Yo Sawuleka

⁵ Mi txi khanu: U na pinda ditshiku muni m'buso wa kumeka ka mtxima, kasi ku hi txi na mana kuxavisa timbewu kani? Ni Sabbata ku hi na tula sizenda sathu sa fulaho, hi hungula efa, hi engetela mtengo wa mxavo, hi thumisa ngu kunemela sikalo so kanganyisa.

Amosi 8:5 Referans Kwoze

Hoseya 12:7

Ene, mxavisi wokari, a ni txikalo txo kanganyisa manzani kwakwe; ene a dhunda kuxanisa.

Levhi 19:36

Mi nava ni sikalo sa sinene, ni marigwi amanene, efa ya yinene, ni hini ya yinene. Ani ngani Mkoma, Txizimu txanu, ni nga mi humisa ditikoni ka Egipta!

Isaya 1:13

Mi nga tiseni kambe mningelo wanu wa kwa mbi vhuna txilo; dibaselo danu da ni nyenyeza, ni mibuso ya kumeka ka mtxima, ni ya Masabbata, ni kuramba ka mi msengeletano; kha ni na ku timisela kuwona kubiha ka misengeletano yo sawuleka.

Mavingu 20:23

Tipimo timbidi to hambana njinyenyeko ka Mkoma, ni sikalo so kanganyisa hi nga sa sinene.

Mavingu 16:11

Lipimo la linene ni txikalo txo lulama nza Mkoma; otshe marigwi a kona ma mahilwe ngu ngene.

Mavingu 11:1

Txikalo txo dyelela wa txi venga Mkoma, aniko mpimo wo lulama wa mtsakisa.

2 Vafumeli 4:23

Se mwamna wa kona a to khene: Kasi wo ya bhula txani nayo nyamsi kani? Hi nga kumeka ka mtxima, hi nga Sabbata. Wamsikati a to khene, kha ku na txikarato txa txilo.

Mitengo 10:10

Atiya, ti maheni hambi ka masiku a mibuso yanu ya kutsaka, kukhatani ka mtxima mi na veta mipundu, mbimo yi mi ningelako miphaxo yanu ya kuhiswa ni ya kubonga, kasi ku Txizimu txi mi alakanya. Nguko ngani Mkoma, Txizimu txanu.”

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Vakolosa 2:16

Ngu toneto, m'thu a nga thuke a txi mi abanisa ngu mhaka ya kudya mwendo kusela, mwendo mibuso, kutsakela kumeka ka mtxima mwendo Masabbata.

Malakiya 1:13

Se mi khanu: Wonani kunemela ka tona! Se mi ti ningete kutxhipiswani, kuwomba Mkoma wa Mabutho a Tiyimbi; anu mi ningela so piwa, so limala, ni so lwala; se mi mahisa eto miningelo; si amukelwa soneso sa kuta ngu manzani kwanu kani? Kuwomba Mkoma.

Eksodha 31:13

Womba ka vanana va ka Israyeli u txi khawe: “Mi na vekisa masabhata angu ngu ditshuri, nguko njikombiso txo mbi guma hagari kwangu ni nanu, ka totshe tiveleko tanu, kasiku mi txi ziva ati to, ani ngani Mkoma, awule a mi sawulekisako.”

1 Samuwele 20:5

Dhavhidha a to khene ka Jonatani: Wona taku mangwana ngu meka ka mtxima wa wuphya, ditshiku di ni tolovelako ku khalahatshi ni mfumeli hi txidya; ni leke ni tsula, aniko ni na ya barama thembweni, kala ka minova ya ditshiku da wuraru.

Zakariya 5:6

Ani ni to khani: Njitxani txiya kani? Se ngelozi yi to kha yona: Eyo i efa yi humako. Yi to kha yona kambe: Aawa mazumbelo a votshe va ku ha mafuni.

Zakariya 5:8

Se ngelozi yi to kha yona: Awuwa mbubihi. Se ngelozi yi to retha wamsikati mndani ka efa, yi vhala ngu txidhingizelo txo nemela ngutu.

Hoseya 12:8

Se Efrayime a khene: Hambiketo, ani na ti fumisa, kambe na ti manela tithomba ta hombe; Ka yotshe mithumo yangu, kha va na mbi mana wubihi ni wawumwewo, i ku txionho.