Amosi 8:4 - Bhiblia Yo Sawuleka

⁴ Engisani tiya, anu mi navelako kuxanisa vo pwata, mi hoxota sisiwana sa ha mafuni,

Amosi 8:4 Referans Kwoze

Amosi 5:11

Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona.

Mavingu 30:14

Ku ni liveleko lile makwasa a lona i ku matxhari, na kuve sisofu sa kona ndimesa, kasi ku li lovisa vathu vo xaniseka, ni sisiwana, ha mafuni.

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

Masalmo 140:12

Na tiziva ti to Mkoma, na emela mhaka ya wule wo tsindavetwa kumweko ni madingano a txikulungu.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Jakobe 5:6

Mi ningete m'thu wo lulama e dawa. Ene kha mi lambela.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

Amosi 7:16

Kambe engisa dipswi da Mkoma: Awe u womba tiya: Khu na mbi profeta Israyeli, hambi kuwombawomba ngu nyumba ya Isaake.

Jeremiya 28:15

Mprofeti Jeremiya a to engeta e womba ka mprofeti Hananiya, a txi khene: Engisa-ka, Hananiya; Mkoma kha kuruma; aniko u maha ti taku vathu vava ve lumba makuhu.

Isaya 28:14

Engisani koko dipswi da Mkoma, anu vatseketseli, mi fumelako vathu vava, va manekako Jerusalema.

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

Masalmo 56:1

Telwa ngu wumbilu ngu ngani, awe Txizimu, nguko waho m'thu a lavako ku ni kandetela, a txi ni xanisa ni ku ni lwisa dotshe ditshiku.

Jobe 24:4

Va hambukisa nzilani avale vo pwata; se sisiwana sa ha mafuni si sisala sotshe.

Ezekhiyele 45:10

Mi nava ni sikalo so lulama, efa yo lulama, ni bhato yo lulama.

Amosi 5:12

Nguko na tiziva taku mbwa wungi wuhambunyeti wanu, sionho sanu nzingi ngutu. Mi xanisa wo lulama, mi tumela kuxawa, mi tshumeta vo mbi na txilo ha txikeni.

Mika 2:2

Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe.

Masalmo 10:7

Txisofu txakwe txi tate ngu kuruketela, ni makuhu ni sipoyilelo; kuwombawombani kwakwe ku ni tshofu ni wubihi.

Ezekhiyele 22:12

Ku amuketwe siningo kasi kutheketa mnoha; so honyola ni so bhindulwa u tekile, u maha likungo ka mwakelani, u txi mkhozisa; kambe ani u ni divate, kuwomba Mkoma Txizimu.

Mika 3:3

ni ku mi dyako nyama ya vathu vangu, mi va thavisa didhowo, mi va fayetela marambu, ni ku va gangela nga vo lava kubetelwa khadini, nga nyama amu dibhotani.

Zakariya 5:6

Ani ni to khani: Njitxani txiya kani? Se ngelozi yi to kha yona: Eyo i efa yi humako. Yi to kha yona kambe: Aawa mazumbelo a votshe va ku ha mafuni.