Amosi 8:3 - Bhiblia Yo Sawuleka

³ Kambe ditshiku diya wu embeleli wa mathepele u na engiswa, kuwomba Mkoma Txizimu. Sirumbi si na tala ngutu, si na tshotshwa va di malate ka otshe makhalo.

Amosi 8:3 Referans Kwoze

Amosi 5:23

Tshuketisani kule diguwa da tindando tanu, kha ni na mbi engisa mpfumawulo wa sivetaveta sanu.

Amosi 5:16

Ngu toneto, a womba tiya Mkoma, Txizimu txa Mabutho a Tiyimbi, Mkoma: Ka otshe magondo ku nava ni kudila: Ni ka sotshe sigava va na kha vona: Yowe! Yowe! Kambe va na dhana m'dimi kuya dila, ni ku ta dila ka vale va zivako madilelo.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Nahume 3:3

M'gadhi wa dihantxhi wa guleta ditxhari do phatima, ni mseve wo keluka nga nzuma, se ku nava ni vathu vavangi vo fa, ni sirumbi sasingi, vafi kha va na mbi va ni magwito; va na humbwa ngu mimidi yawe.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Joyeli 1:11

Vadimi va ti thela tingana, vaphayi va vhinya va kuma ngu mhaka ya fulaho ni sevhadha; nguko kuelula ka thembweni ku gumile.

Joyeli 1:5

Vhumukani anu madevi, mi dila; pekani huwa motshenu mi selako vhinya, ngu mhaka ya vhinya ya yiphya nguko ya thaviswa mkanani kwanu.

Jeremiya 22:18

Ngu konaho, Mkoma a womba madingano ni Jehoyakimu, mwana Josiya, mfumeli wa ka Judha, a txi khene: Kha va na mbi m'dilela, va txi kha vona: Yowe, mwanathu wa txiwamna! Mwendo yowe, mwanathu wa txisikati! Se kha va na mbi peka huwa ngu ngene, va txi kha vona: Yowe, awe nyamne wangu! Mwendo ku yowe awe mthaviseki!

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Masalmo 39:9

Ni malate, kha ni na mbi tula txisofu, nguko mthumo wuwa mbwako.

Sidilo 2:10

Sekoko madhota a dihorana da Siyoni ma khalahatshile ha ka mafu, ma txi dwe; me ti theletela lithulu ha misungo ma txi ambala masaka; votuma va Jerusalema va namisile misungo ha mafuni.

Amosi 6:4

Mi otelako ka mibhedhu ya makwasa a tinzofu, mi ti gwimba ha matahoni kwanu, mi dya tinvuta ta mitxhambi, ni marole ya hagari ka mitxhambi;

Amosi 6:5

mi embelela ngu mpfumawulo wa harpa, mi ti mahela sitxaya txaya sanu so embelela ku nga Dhavhidha:

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.

Zefaniya 1:7

Malala masoni ka Mkoma Txizimu, nguko ditshiku da Mkoma di hafuhi, Mkoma a lulamisile mphaxo ni kusawulekisa vale a nga va ramba.