Amosi 8:2 - Bhiblia Yo Sawuleka

² Se Mkoma a to khene: U wona txani awe Amosi kani? Se ani ni txi khani: I thavangu ya mihando ya malanga. Sekoko, Mkoma a to nigela, a txi khene: Kuhokile magwito ka vathu vangu va ka Israyeli: Kukhukhela kuwa kala kupinduka, na mbi ngadi ni pinda ngu kwawe.

Amosi 8:2 Referans Kwoze

Amosi 7:8

Mkoma a ni gela, a txi khene: U wona txani awe Amosi kani? Se ni ti khani: Ngoti. Sekoko Mkoma a to khene: Wona ta ku ani na veka lingoti hagari ka vathu vangu va Israyeli; na mbi ngadi ni pinda ngu kwawe.

Sidilo 4:18

Va zingela mazambo athu, hi txi tandeka ni kutsimbilatsimbila magondoni kwathu; Kuguma kwathu kuhokile: Masiku athu ma guma, mbimo ya kuhetiswa kwathu yi hokile.

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.

Zakariya 5:2

Se ngelozi yi to ni wotisa tiya: U wona txani kani? Se ani ni ti khani: No wona dibhuku di purumako, di ku ni magumi mambidi a mikono ya kulapha, ni digumi da mikono ya kuanama.

Ezekhiyele 12:23

Sekoko va gele ku khawe: Mkoma Txizimu a khene: Ni na fuvisa mawombelo awa, kha ma na mbi va mavingu kambe ka Israyeli; aniko va gele ku khawe: Ma hokile masiku ni dipswi da sotshe siwoniso.

Ezekhiyele 8:17

Sekoko a to ni gela ku khene: U ti woni, awe mwanana wa m'thu kani? Ku ni ti ti hehukelako nyumba ya ka Judha, kupinda manyala awa va ma mahetelako hawa kani? Va tatile ditiko ngu kulwisa, ve tshumela ve ni henyisa; se ndiva va tshuketisa ndonga tithonvuni kwawe.

Ezekhiyele 8:12

Sekoko a to ni gela ku khene: U ti woni, awe mwanana wa m'thu, a ti madhota a nyumba ya ka Israyeli ma mahetelako txidemani, mmweyo ni mmweyo nyumbani kwakwe ko pendetelwa sifananiso kani? Kambe vona va kha vona: Mkoma kha hi woni, Mkoma a lekile mafuni.

Ezekhiyele 8:6

Se Txizimu txi to kha txona kwangu: Awe mwanana wa m'thu, Ina wa ti wona ti va mahako kani? Kunyenyeza ka hombe kumahwako ngu nyumba ya ka Israyeli hawa, kasi ku ni khukha ka wukhalo wangu wo sawuleka kani? Aniko u ngadi u txi na wona manyala a hombe kupinda awa.

Ezekhiyele 7:6

Mata magwito, magwito mata, ma wukete kulwa ni nawe; wona taku mata;

Ezekhiyele 3:10

A ni gete kambe ku khene: Awe mwanana wa m'thu, veka mbiluni totshe timhaka tangu, ati ni no kugela, kambe u txi ti pfisisa ngu tinzeve tako.

Ezekhiyele 3:7

Aniko nyumba ya ka Israyeli, kha yi na mbi ti lava ku kuengisa, nguko kha va lavi ku ni engisa ani; nguko yotshe nyumba ya ka Israyeli yi ni khohe yo eyisa ni mbilu yo banga.

Jeremiya 40:10

Ani, bo, ni ya aka Misipa, kuva ni txi na ema masoni ka Vakaldheya ava va nota kwathu. Aniko anu sengeletelani vhinya ni mihando ya mbimo ya lisani ni mafura, mi veka mu ka siya sanu, mi aka ka didhoropa di mi ngadi honyola.”

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Isaya 28:4

Se txiluva txa kuwa ngu ka wudhumo wa ku ti tshurisela kwakwe, txi ku ha msungo ka mkova wo nona, txi na fana ni dikuwu, na ku si se hoka malanga, adi daku a txi di wona m'thu, na a ti nado manzani, wa di mita.

Ezekhiyele 29:8

Ngu tona eto, Mkoma a khene: Wona taku ni na tisa ditxhari txitimwi kwako, ni txi ta dayela votshe vathu ni sihari.

Genesisi 6:13

Sekoko Txizimu txi to kha txona ka Nowa: “Ni lava kufuvisa votshe vathu, nguko mafu ma tate ngu wubihi, ngu mhaka yawe. Ni na va fuvisa, kumweko ni mafu.

Amosi 8:1

Mkoma Txizimu a to ni kombisa tiya: Ndiye thavangu ya mihando ya malanga.

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.