Amosi 8:14 - Bhiblia Yo Sawuleka

¹⁴ Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.

Amosi 8:14 Referans Kwoze

Amosi 5:5

Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.

Dhewuteronome 9:21

Kambe ni tekile txionho txanu, i ku dirole di mi nga ti di wumbile, ni txi di hisa ngu mndilo, kambe ni txi di rukuta, ni txi di kuya khakwati, kala kuza di txi maha mpupu; se mpupu wa kona ni wu xwayile ka txinambwana, txile txi nga ti relela ngu mmangoni.

Mithumo 9:2

eya kombela kwakwe mapasi awa ma nga bhalelwa masinagoga a Dhamasku, ti to ngako a txi ya mana koneyo vathu va Nzila yiya, vavamna mwendo vavasikati, e va yisa Jerusalema, va di sungilwe.

Mithumo 24:14

Ditshuri di ni di zivako ngu diya: Ani ni thumela Txizimu txa vatate vathu, madingano ni Nzila yi vona va ku kha vona njo timeta, kasi ani ni kholwa ka totshe ti ti nga bhalwa mu ka Mlayo ni Vaprofeti.

Mithumo 19:23

Ka ona masiku ale, ku tumbulukile dizunga da hombe ngu mhaka ya Nzila ya Mkoma.

Mithumo 19:9

Vamwani va to bangisa timbilu tawe, se ha wukhaloni ka kukholwa, va to sola Nzila ya Mkoma, kona hale masoni ka vathu. Paulo a to khukha masoni kwawe e tsula, e teka vagondiswa ngu phuho, a txi va gondisa dipswi, ditshiku ni ditshiku, txikolani ka Tirano.

Mithumo 18:25

A ti gondisilwe nzila ya Mkoma, se ngu kukhutala kwakwe moyani a ti womba-womba ni kugondisa timhaka ta Jesu, ngu longoloko ya yinene, hambiko a nga ti ko ziva txibhabhatiso txa Johani dwe. Ngu konaho Apolosi a to khata kuwombawomba disinagogani, asi thavi txilo.

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;

Amosi 5:2

Dihorana do tuma da Israyeli di wite, di na mbi ngadi di wuka kambe: A tsukutwe ditikoni kwakwe, kha ngaho awu aku na mu wusa.

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Hoseya 13:2

Se konkuwa va engetete sionho, ngu silivhela yawe va mahile txifananiso txo tshulwa, i ku sithombe madingano ni wutxhari wawe, sotshe mithumo ya mtshuli, va ku kha vona ngu sona: Vathu vale vaphaxako va nyunta marole.

Hoseya 10:5

Vahanyi va Samariya va dhuswa ngu dirole da Bheti-Avheni, ngu kumaha keto, vathu va kona va na tilaya ngu mhaka yakwe, kufana ni vaphaxeli vawe (va nga ti tsaka ngu dona), se ngu mhaka ya wudhumo wu nga khukha ka dona.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Jeremiya 51:64

Se u na khawe: A na bhwabhwamelisa tona tiya Bhabhilona, kha na mbi deluka, ngu mhaka ya wubihi wule ni no wu tisa txitimwi kwakwe, se vona va na karala. Mapswi a Jeremiya ma ema hawa.

Jeremiya 25:27

U na va gela, u txi khawe: Mkoma wa Mabutho a Tiyimbi, Txizimu txa Israyeli, a khene: Selani mi txi leva, mi kosa, mi txi wa, mi si wuki kambe, ngu mhaka ya yimbi ni no yi rumela kwanu.

Isaya 43:17

wule a nga tisa txikotxikani ni dihantxhi, dibutho da yimbi ni mtamo; vona va wite kumweko, kha va na mbiswa ve wuka; va fuvisilwe, va timekile kufana ni ngoti ya dilambu.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Masalmo 140:10

Makala a mndilo ma nawe txitimwi kwawe, va na rinzwe mndiloni, ka maphalani o tshima, kasi ku va siswi ve wuka kambe.

Masalmo 36:12

Ndiva vabihi va wite hahatshi, va wite, kha va na mbiswa ve wuka.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

2 Vafumeli 10:29

Kambe Jehu kha huluka kuonha nga tile a nga maha Jerobhowamu, mwana Nabhote, a nga za e onhisa Israyeli, ngu marole a silivhela, ma nga txi maneka Bheteli ni Dhani.

1 Vafumeli 16:24

Na a di Semeri a to xava mmango wa Samariya ngu titalenta timbidi ta silivhela, se e aka mmangoni, se a to raya didhoropa dile ku khene i Semeri, nyamne wa mmango wa Samariya.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Vafumeli 12:32

Jerobhowamu a to maha m'buso ngu mtxima wa wutxhanu ni yiraru, ka ditshiku da digumi ni mtxhanu ka mtxima.

Dhewuteronome 33:11

Mkoma katekisa mtamo wawe, u amukela mthumo wa manza awe! Phwarasa titsho ta vale va va wukelako va txi va xanisa, kasi ku va si sikoti kukhukha va txi ema.

Isaya 24:20

Mafu otshe ma na dhedhereka kufana ni didevi, kambe ma na zinginiswa, me thaviswa ni wusiku, nga mtxhatxha; se wuhambunyeti wa ona wu na ma nemelela, ma nawa, ma si wuki kambe.

Mika 1:5

Totshe eto ngu mhaka ya ku ti lambisa ka Jakobe, ni sionho sa nyumba ya ka Israyeli; ngu kuhi ku ti lambisa ka Jakobe kani? Ina hi nga ka Samariya kani? Ngu ahi makhalo o guleka a Judha kani? Hi nga Jerusalema kani?

Mavingu 24:16

Nguko awule wo lulama hambi a txi wa mtxhanu ni kumbidi, ngu magwito a na wuka; aniko vabihi va na ti gumula kubihani.

Amosi 5:1

Engisani mhaka yi ni yi wombako, ya txidilo hagari kwanu, awe nyumba ya Israyeli.