Amosi 8:11 - Bhiblia Yo Sawuleka

¹¹ Wonani taku mata masiku, kuwomba Mkoma Txizimu, ni no rumela nzala ha mafuni, i si nga nzala ya sakudya mwendo ditora da mati, kambe do pfa dipswi da Mkoma.

Amosi 8:11 Referans Kwoze

Masalmo 74:9

Se kha ku nga ho sidiwukiso hagari kwathu, kambe kha ku nga ho vaprofeti, ni wammweyo kha ti zivi ti to atiya ti na simama kala mbimo muni!

1 Samuwele 3:1

Se mfana Samuwele a ti ti thumela Mkoma masoni ka Eli. Se ka masiku oneyo dipswi da Mkoma di ti txiva ngutu; ni siwoniso si singaho.

2 Makronika 15:3

Ka mbimo yo lapha va ka Israyeli va hanyile va si na Txizimu txa ditshuri, ni vaphaxeli vo va gondisa ni mlayo.

1 Samuwele 28:6

Se Sawule a to wotisa ka Mkoma, kambe Mkoma kha mxamula, hambi ngu miloro, mwendo ngu tixolo, hambi ngu vaprofeti.

Ezekhiyele 7:26

Dikhombo di na londetwa ngu dikhombo, se huwa yi na dhana yimwani huwa; sekoko va na lava txiwoniso ngu ka mprofeti, kambe mlayo wa mphaxeli wu na lova, ni silayelo sa madhota.

Matewu 9:36

Ngako Jesu a di woni dibutho da vathu, a to va pfela wusiwana, nguko va ti ti karate ni kurereka, nga tinvuta to mbi na m'dyisi.

Mika 3:6

Ngu toneto, ku na maha wusiku kwanu, kuva ku si maneki wuprofeti, kambe ku nava ni txidema kuva ku si maneki wuhuti, evo vaprofeti di na va swela ditambo, se kwawe ditshiku di na maha da mtima.

1 Samuwele 28:15

Samuwele a to khene ka Sawule: U ni xanisela txani ngu ku ni dhana ni huma mafuni kani? Sekoko Sawule a to khene: Ni to pandiseka ngutu, nguko Vafilista valwa ni nani, se Txizimu txi ni lekile, kha txi ni xamuli kambe, hambi ngu ka vaprofeti, hambi ngu ka miloro. Ngu kumaha keto ni kudhani kasi ku ta ni gela ti ni dinganako ku ti maha.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Mavingu 29:18

Aha ku pwatekako ditshuri, vathu mbanyammahe dwe; kambe awule a vekisako mlayo, eyo a katekile.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,