Amosi 8:10 - Bhiblia Yo Sawuleka

¹⁰ Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Amosi 8:10 Referans Kwoze

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Ezekhiyele 7:18

Kambe va na phamba masaka, kudhudhumela ku na va fenengeta; ka totshe tikhohe tawe ku nava ni tingana, misungo yawe yotshe yi na va tigwayi.

Jeremiya 48:37

Nguko wotshe msungo wu na va ligwayi, otshe maletu ma di hungutwe; kotshe manzani ku na sehelelwa, ni masaka siwununi kwawe.

Jobe 20:23

Hambi si diho so khurisa mrumbu wakwe, kambe Txizimu txi na rumela kutura ka kuhenya ka txona, se Txizimu txi na rumela kuhenya txitimwi kwakwe a txi ya kudyani.

Hoseya 2:11

Se na heta kutsaka kwakwe kotshe, ni mibuso yakwe, ni kumeka ka mitxima yakwe, ni Masabbata akwe, ni yotshe mibuso yakwe.

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Amosi 8:3

Kambe ditshiku diya wu embeleli wa mathepele u na engiswa, kuwomba Mkoma Txizimu. Sirumbi si na tala ngutu, si na tshotshwa va di malate ka otshe makhalo.

Amosi 5:23

Tshuketisani kule diguwa da tindando tanu, kha ni na mbi engisa mpfumawulo wa sivetaveta sanu.

Jobe 3:5

Di na tshakelwe ngu txidema ni mtsudi wa kufa; ma na zumbe ka dona marefu; di na xamalise ngu kutuvika ka dona ko nzihala!

Dhewuteronome 16:14

kambe u na ti tsakela ka m'buso wako, awe, ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi, ni mluveli, ni wo felwa ngu vaveleki, ni noni, votshe vale va hanyako m'tini kwako.

Genesisi 21:16

A to siya mwanana wakwe e tsimbila mnava wa mpimo wa kukhwinzwa ka lingove, a txi ya khalahatsha, nguko a ti ti khene: “Kha ni lavi kuwona mwanana wangu a txi fa.”

Levhi 13:40

Ni ku ngako wamwamna a txi gumelwa ngu misisi, e maneka a di ni lipala, a basile.

Isaya 3:24

Se ku na maheka taku, wukhaloni ko bhumula, ku nava ni kununga; se wukhaloni ka libhande, ku nava ni ngoti; wukhaloni ka misisi, ku na maneka tipala; wukhaloni ka syambalo sa mibuso, ku na ambalwa masaka; wukhaloni ka kutshura ngutu, ku nava ni sibawa so hiswa ngu mndilo.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Sidilo 5:15

Kutsaka ka timbilu tathu ku gumile, kusinya kwathu ku hindukile txidilo.

Ezekhiyele 7:2

Se awe mwanana wa m'thu, ka ditiko da ka Israyeli, Mkoma a khene: Mata magwito, magwito mata ka mune wa madhawa a ditiko.

Joyeli 1:8

Dila nga m'horana wotuma wo ambekwa masaka, ngu mwamna wa wuphya wakwe.

Amosi 5:21

Na venga, na txhipisa mibuso yanu, ni mitshangano yanu ya hombe, nguko kha si ni tsakisi ni kakumweko.

Jobe 30:31

Sekoko txitende txangu nja nyawudile, ni msengele wangu, dipswi da vale va dilako.

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.