Amosi 7:7 - Bhiblia Yo Sawuleka

⁷ A ni kombile tiya: Se Mkoma a ti txitimwi ka diguma do guletwa ngu ngoti. A ti ni ngoti kambe amu manzani kwakwe.

Amosi 7:7 Referans Kwoze

2 Vafumeli 21:13

Ni na gwimba ngoti ya Samariya txitimwi ka Jerusalema, ni txidinganiso txa nyumba ya ka Akabe; ni na kuwula Jerusalema ku nga tile a mahisako tona wule a kuwulako mbiya, e gwita e yi fenengeta.

Mtuletelo 21:15

Ngelozi yi yi nga txi womba-womba ni nani yi ti ni ndonga ya nzalama kasi kupima ngu yona didhoropa, ni matimba a dona ni diguma da dona.

Mtuletelo 11:1

Msana keto, va to ni ninga litshava lo fana ni ndonga, va txi ni gela va txi kha vona: “Khukha u txi pima Dithepele da Txizimu, ni txiluvelo kumweko ni va va khozelako kona.

Ezekhiyele 40:3

Di di ni hokisile hafuhi naso, ku to woneka txo fana ni m'thu wo fana ni koporo, na a di ni ngoti ya linyu manzani kwakwe, ni litshava lo pima ngu lona, a di emile ha txikeni.

Sidilo 2:8

Mkoma a ni txikungo txo hoxota diguma da muhorana wa Siyoni; a txi ganyatela asi divaleli a mahile ti to ku va ni dikhodho nguko ku fayetetwe diguma ni lithango se ve maneka va si tsana.

Isaya 34:11

Aniko disekwa, ni nungu, si na zumba kona, se disukulu ni digwana si na aka kona, kambe ene a na gwimba ngoti ya tipfilupfilu, ni txidinganiso txa mipimiso yo biha.

Isaya 28:17

Se ni na lulamisa wulamuli ngu ngoti, ni wululami ngu txyemo, se maralala ma na hiyela wuthavelo wa makuhu, mati ma na fenengeta ko sisala kona,

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Amosi 7:6

Se Mkoma a to ti laya ka toneto. Hambi tiya ti na mbi ngadi ti maheka: Kuwombile Mkoma Txizimu.

Amosi 7:8

Mkoma a ni gela, a txi khene: U wona txani awe Amosi kani? Se ni ti khani: Ngoti. Sekoko Mkoma a to khene: Wona ta ku ani na veka lingoti hagari ka vathu vangu va Israyeli; na mbi ngadi ni pinda ngu kwawe.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.