Amosi 7:2 - Bhiblia Yo Sawuleka

² Se ku to maheka taku: Ngako va nga ti dyite mwasi wotshe wa ditiko, ani ni ti khani: Mkoma Txizimu, divalela! A na guletiswa kutxani Jakobe kani? Nguko ene m'dotho.

Amosi 7:2 Referans Kwoze

Ezekhiyele 11:13

Se ku to maheka taku, ni txi ngadi ni profeta, a txi fa Palatiya, mwana Bhenaya; sekoko ni to wa ngu khohe, ni dila ngu dipswi da hombe, ni txi khani: Yowe! Awe Mkoma Txizimu! U lava kuhetisa miboti ya Israyeli kani?

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Ezekhiyele 9:8

Ku to maheka koko taku, na va di va dayete, se ni sala ani nokha, ni to wa ngu khohe, ni dila, ni txi khani: Yowe! Mkoma Txizimu! U ni mhaka yo lava kufuvisa Vaisrayeli vale va nga sala, ngu kutheketa kuhenya kwako, txitimwi ka Jerusalema kani?

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Eksodha 10:15

Nguko yi to fenengeta kotshe txitimwi ka mafu, se mafu ma to phuma; se yi to dyela mwasi wotshe ha mafuni ni mihando yotshe ya mindonga, ayi yi nga ti sitwe ngu maralala; kha ka sala ni txa tximwetxo txo hanya mu ka mindonga, hambi mwasi, ka dotshe ditiko da Egipta.

Mtuletelo 9:4

Humbi yiya yi to gelwa ti to yi si dyi mwasi wa ha mafuni, hambi tximilwa txihi ni txihi txi hanyako, hambi mindonga; tsena kuyela vathu va va nga mbi vekwa txixambanyo txa Txizimu timbanzani kwawe.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Amosi 7:5

Sekoko ni to khani: Mkoma Txizimu, ema konkuwa: Ana gulekisa kutxani Jakobe kani? Nguko ene m'dotho.

Dhaniyeli 9:19

Awe Mkoma, engisa! Awe Mkoma, divalela! Awe Mkoma, hi pfisise, maha u nga swele; ngu kuranda kwako, awe Txizimu txangu; nguko didhoropa dako ni vathu vako va dhanwa ngu ditina dako.

Isaya 51:19

Timhaketo tatimbidi ti na kuhumelela; i mani a no kupfela wusiwana kani? Kuhaxotwa, ni kuloviswa, ni nzala, ni ditxhari! Ni na ku thavelelisa kutxani kani?

Masalmo 12:1

Hi hanyise, Mkoma, nguko vathu vo lulama va gumile kha ku nga ho vathu vo thembeka hagari ka vanana va vathu.

Eksodha 34:9

a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Amosi 4:9

Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.