Amosi 7:17 - Bhiblia Yo Sawuleka

¹⁷ Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Amosi 7:17 Referans Kwoze

Hoseya 9:3

Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

Ezekhiyele 4:13

Se Mkoma a to khene: Ngu toneto, vanana va ka Israyeli va na dya dipawu dawe da nzambwa, ka ni dihi ditiko di va no tshotshwa ka dona.

Jeremiya 28:16

Ngu konaho, Mkoma a khene: Ni na kuthavisa ha mafuni, u na fa ka dona dilembe diya, nguko u wommbawombile ngu kukaneta, u txi wukela Mkoma.

Amosi 7:11

Nguko Amosi a wombisa tiya: Jerobhowamu a na fa ngu ditxhari; se Israyeli a na yiswa hahanze ka ditiko dakwe, a yiswa wukhumbini.

Jeremiya 29:21

Mkoma wa Mabutho a Tiyimbi, Txizimu txa Israyeli, a khene xungetano ngu Ahabi, mwana Kolaya, ni Zedhekiya, mwana Maaseya, ava va mi profetelako makuhu ditinani kwangu: Wona, ni na va ningela manzani ka Nebhukodhonosori, mfumeli wa Bhabhilona; ene a na va daya masoni kwanu.

Zakariya 14:2

Nguko ani ni na tshanganisa otshe matiko, me wukela Jerusalema, se didhoropa di na tekwa, tinyumba ti na handwa, vavasikati va na gimwa; hafu ya vathu va didhoropa yi na huma yi yiswa wukhumbini, aniko miboti ya vathu kha yi na mbi tutumiswa didhoropani.

Sidilo 5:11

Va pfinyile vavasikati va Siyoni; ni votuma va madhoropa a ka Judha.

Jeremiya 29:25

Mkoma wa Mabutho a Tiyimbi, Txizimu txa Israyeli, a khene: Ngako u nga rumela ngu ditina dako ka vathu votshe va ku Jerusalema, ni ka Zefaniya, mwana Mahaseya, mphaxeli, ni ka votshe vaphaxeli, u txi khawe:

Jeremiya 28:12

Se mhaka ya Mkoma yi to ta ka Jeremiya, msana ka kuva mprofeti Hananiya a di funyetete dikange thamoni ka mprofeti Jeremiya, a txi khene:

Jeremiya 20:6

Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”

Isaya 13:16

Vanana vawe va na phwaraselwa va txi si wona; tinyumba tawe ti na honyolelwa, ni vasikati vawe va na pfinyetelwa.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Jeremiya 14:16

Vathuvo ku nga profetwa kwawe va na tshotshwa magondoni ka Jerusalema ngu mhaka ya nzala ni ditxhari, kha ku na mbi va ho wo va tshotsha: Vona ni vasikati vawe, ni vanana vawe va txiwamna ni va txisikati; nguko ani ni na tshakunuta wubihi wawe txitimwi kwawe.

Amosi 6:7

Ngu koneho, konkuwa, mi na ya wukhumbini, ku va vo khata va ku na maha tikhumbi, se mi na gwita ni mibuso ya mipipi.

Amosi 8:1

Mkoma Txizimu a to ni kombisa tiya: Ndiye thavangu ya mihando ya malanga.

Amosi 9:1

Ni woni Mkoma a nga ti emeli hafuhi ni txiluvelo se a txi ni gela a txi khene: Peka txitimwi ka tiphande u dekadekisa matimba otshe, sotshe u si maha sikhwemu txitimwi ka misungo ya votshe; se ani ni na va daya ngu ditxhari kala ka wo gwitisa khawe; a wu a ku na tutuma kwawe, kha na mbi huluka, hambi wu a no huluka kha na mbi hanya.

Amosi 9:8

Wonani ti to maso a Mkoma Txizimu malwa ni mfumo wa sionho, se ani na wuhoxota wotshe txitimwi ka mafu; kambe kha ni na mbi hoxota nyumba ya Jakobe do gwita: Kuwomba Mkoma.

Mika 1:16

Ti mahele lipala, u yola misisi, ngu mhaka ya vanana vako vo tsakisa; kulisa lipala lako kufana ni digama, nguko va tekilwe kwako ve yiswa wukhumbini.

Isaya 22:18

Ngu ditshuri a na ku rindilitela kufana ni bhola ka wukhalo wo anama, wa hombe ngutu; koneyo u na fela kona, kambe koneyo si na gumela kona sikotxikani sa wudhumo wako, i ku tingana ka nyumba ya nyamne wako.