Amosi 7:12 - Bhiblia Yo Sawuleka

¹² Msana keto, Amaziya a to gela Amosi a txi khene: Tsula awe m'huti, thava u ya ditikoni ka Judha, aniya u na yadya dipawu, aniya u na ya profeta.

Amosi 7:12 Referans Kwoze

1 Vakorinto 2:14

Nguko m'thu wuwa i ku si nga wa Moya kha na ku engisisa asi i ku sa Moya wa Txizimu, nguko kwakwe timhaka tiya a ti wona i di wupumbu. Ene kha sikoti ku ti engisisa nguko tona ti pimwa ngu mapimiselo a Moya.

Matewu 8:34

Se votshe vathu va didhoropa va to huma va txi hingeta Jesu; se ngako va di mu woni, va to mkombela ti to e khukha ditikoni kwawe.

1 Samuwele 9:9

(Kale ditikoni ka Israyeli, ngako va txi ya wotisa ka Txizimu, va ti ti kha vona: Ngonani, hi tsimbile ka m'huti; nguko ka mprofeti wa nyamsi kale a ti dhanwa ku m'huti.)

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Mithumo 16:39

Sekoko va to ta, va ta kombela divalelo, se ve va humisa hahanze, ve va kombela ti to ve huma didhoropani kwawe.

Luka 13:31

Ka yoneyo mbimo, ku to bwaka vamwani Vafarisi kwakwe, va ta kha vona: “Khukha hawa u tsula, nguko Herodha a lava ku kudaya.”

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Amosi 2:12

Aniko anu, Vanazira mi va ningile vhinya ve sela, vaprofeti mi ruma mi txi khanu: Mi nga profeteni.

Ezekhiyele 13:19

Anu mi ni poyite hagari ka vathu vangu, ngu sevhadha ya yidotho, ni sikhwemu sa mapawu, kasi kudaya mihefemulo yi yi nga si dingani kufa, ni kuxayisa mihefemulo yile yi nga si dingani kuhanya, mi womba makuhu ka vathu vangu, va engiselako makuhu.

Isaya 56:11

Se timbwa tiya nda limito, kha ti na kukhura; vona mbadyisi vo mbi pima txilo; votshe va tshumelela tinzilani kwawe, mmweyo ni mmweyo ka matshanza akwe, mmweyo ni mmweyo ngu dakwe didhawa.

Isaya 30:10

Va ku kha vona ka tiñanga: Mi nga ti woneni; ni ka vaprofeti va txi kha vona: Mi nga profeteni kwathu ti i ku to lulama; hi geleni ti to tsakisa, kambe mi dingana ku hi guleta;

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

1 Samuwele 2:36

Se ku na maheka tito, votshe vale va no sala ka miboti ya nyumba yako, va nata khizama masoni kwakwe, ve kombela male ya silivhela mwendo txikhwemu txa dipawu, va txi kha vona: Na kukombela ni tumelele ni maha mthumo wokari wa wuphaxeli, kasiku ni txi na mana kudya txikhwemu txa dipawu.

Amosi 7:11

Nguko Amosi a wombisa tiya: Jerobhowamu a na fa ngu ditxhari; se Israyeli a na yiswa hahanze ka ditiko dakwe, a yiswa wukhumbini.