Amosi 7:10 - Bhiblia Yo Sawuleka

¹⁰ Sekoko Amaziya, mphaxeli wa Bheteli, a rumisa kugela Jerobhowamu, mfumeli wa ka Israyeli: Amosi a womba-womba kubiha ngu ngawe hagari ka vathu va ka Israyeli; mafu ma na mbi xaniswa ngu mapswi otshe ya a ma wombako.

Amosi 7:10 Referans Kwoze

Jeremiya 38:4

Sekoko vathangeli va to gela mfumeli va txi kha vona: Awuwa m'thu a na dawe, nguko wa rera mawoko a tindena ti ti nga sala ka diya didhoropa, ni mawoko a votshe vathu ngu ku va gela timhaka to nga tiya; m'thu wuwa kha xuveli wunene amu ka ditiko diya, aniko a di xuvela makhombo.

Matewu 21:23

Msana keto, a to wulela Dithepeleni. Mbimo yi ene a nga ti gondisa, vaphaxeli va hombe ni madhota a ditiko va to mu yela va txi ya kha vona kwakwe: “U wu mana hani mtamo wa kumaha tiya kani? I mani a nga kuninga mtamo wo ngeto kani?”

1 Vafumeli 13:33

Msana keto, Jerobhowamu kha leka nzila yakwe yo biha; a to simama e guleta vathu va hahatshi ngutu e va maha vaphaxeli va makhalo o guleka; a to tatela manza ka ni wuhi a nga ti mlava, se mthuyo e maneka i ti mphaxeli wa makhalo o guleka.

Mithumo 24:5

Hi mani m'thu wuwa i ku mtungu a wusako mazunga hagari ka votshe Vajudha va ditiko. Ene i mthangeli wa mtxawa wa Vanazareta.

Mithumo 7:54

Ku ti ngako va di pfite timhaketo ta Sitefani, va to henya ngutu timbiluni kwawe, se ve gegeresela makwasa, ngu txiviti nayo.

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

1 Vafumeli 18:17

Se ku to maheka ti to mbimo yile Akabe a nga wona Elija, a to khene kha Akabe: Ngawe mkhulumeteli wa Israyeli kani?

Genesisi 37:8

Sekoko vanawe va to kha vona kwakwe: “Ti komba ti to awe u na fuma txitimwi kwathu kani? Niku awe u na hi thangela nga m'thu wa hombe kani? Ngu kumaha yeto, va to m'vengela ngutu, ngu mhaka ya miloro yakwe, ni mapswi akwe.”

Jeremiya 36:16

Sekoko aha va nga pfa totshe timhaka tiya, va to dhuka, ve wonana, va txi kha vona ka Bharuke: Ngu ditshuri hi na gela mfumeli totshe timhaka tiya.

Amosi 1:1

Mapswi a Amosi, i ku mmweyo wa vadyisi va Tekowa, ati a nga ti wona madingano ni Israyeli, ka masiku a Uziya, mfumeli wa ka Judha, ni ka masiku a Jerobhowamu, mwana Jowasi, mfumeli wa ka Israyeli, malembe mambidi ku sinzi ku deka-deka mafu.

Amosi 3:14

Ditshiku di ni no tsayisa Israyeli ngu kundaka kwakwe mlayo, ni na tsayisa txiluvelo txa Bheteli; se titxheho ta txiluvelo ti na wilwa ti wela hahatshi.

Amosi 5:5

Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.

Amosi 7:11

Nguko Amosi a wombisa tiya: Jerobhowamu a na fa ngu ditxhari; se Israyeli a na yiswa hahanze ka ditiko dakwe, a yiswa wukhumbini.

Amosi 5:10

Va venga wu a emako ni to lulama habanza, ni kunyenya wu a wombawombako ditshuri.