Amosi 6:9 - Bhiblia Yo Sawuleka

⁹ Se ku na maheka taku, ku txi sala digumi da vavamna ka m'ti, va na fa.

Amosi 6:9 Referans Kwoze

Amosi 5:3

Nguko Mkoma Txizimu a womba tiya: Ka didhoropa di kuhumako 1.000, ku na vekiswa dizana, se ka dile kuhumako dizana, ku na vekiswa digumi, ka nyumba ya ka Israyeli.

Isaya 14:21

Longisani wukhalo wu vanana va no dawelwa ka wona, va fela sihono sa vatate vawe, kasi ku va si wuki ve fuma mafu, hambi ku va sitate ditiko ngu madhoropa awe.

Masalmo 109:13

Liveleko lakwe li na gume ni txibongo txakwe txi na fuve ka liveleko li litako.

Jobe 20:28

Tithomba ta nyumbani kwakwe ti na thaviswa, ka ditshiku da kuhenya ka Txizimu, totshe ti na thekelela.

Jobe 1:19

kutile moya wa hombe ngu txiwulani, wuta peka otshe mune wa madhawa a nyumba, yiwa txitimwi ka vanana vako, se va fite; ngani nokha ni nga huluka kuva ni kutisela mahungu.

Jobe 1:2

A velekile mtxhanu wa vafana ni vambidi, ni mahorana mararu.

Esteri 9:10

Digumi da vanana va Hamani, mwana Hamedhata, mlala wa Vajudha, va datwe; kambe kha va handa txilo.

Esteri 5:11

Se Hamani a to va xawutela wudhumo wa tithomba takwe, ni kutala ka vanana vakwe, ni totshe tile mfumeli a ngadi mkulisile ka tona, ni tile a nga ti m'guletisile tona txitimwi ka vathangeli, ni ka sithumi sa mfumeli.

1 Samuwele 2:33

Aniko m'thu wule ani ni no mba mthavisa txiluveloni kwangu, a na hisa maso ako ni kudyiseta muhefemulo wako. Se votshe vathu vavangi va nyumba yako va nafa na va sanzi kukumba.

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.