Amosi 6:8 - Bhiblia Yo Sawuleka

⁸ A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.

Amosi 6:8 Referans Kwoze

Amosi 4:2

A xambanyile Mkoma Txizimu, ngu wusawuleki wakwe, ta ku masiku ma nata txitimwi kwanu, ale va no mi humisa ngu tindowo, ni vanana vanu ngu tindowo to dota ngu tona.

Jeremiya 51:14

Mkoma wa Mabutho a Tiyimbi a xambanyile ngu ngene apune, a txi khene: Nguditshuri ni na ku tatela vavamna, ku nga tindata, vona va na embelela ngu kutsaka xungetano ni nawe.

Amosi 8:7

A xambanyile Mkoma ngu wudhumo wa Jakobe a khene: Kha ni na mbi yi divala yotshe mithumo yakwe, ngu ha ku si gwitiko.

Masalmo 47:4

Athu a hi sawulete thomba yathu, wudhumo wa Jakobe, txirandwa txakwe.

Amosi 3:11

Ngu toneto, Mkoma Txizimu a khene: Ku na humelela txigevenga txi no randela ditiko dako, txi na hoxota dikhokhola ni tinyumba ta wukoma ti na handwa.

Jeremiya 22:5

Aniko ngako mi si engisi tiya timhaka, na xambanya ngu wutumbu wangu, kuwomba Mkoma, a ti taku ayiya nyumba yi na va dirumbi.

Masalmo 106:40

Ngu toneto, Mkoma a to henyela vathu vakwe, e tsukula vathu va i kuthomba yakwe.

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Sidilo 2:5

Mkoma a hindukile nga mlala; a hetile va ka Israyeli, a khundumusete totshe tinyumba tawe ta wukoma, a fayetete mikhokhola yawe; e engetela kudila ni kupandiseka ka mwanana wa ka Judha.

Masalmo 78:59

Txizimu txi engisile toneto, txi txi pandiseka, txi tsukula va ka Israyeli ngu txiviti.

Masalmo 50:12

Idiku ani ni ni nzala, nga ti si laveki ku kugela, nguko ditiko ni sotshe si si manekako ka dona sa ni lumba.

Dhewuteronome 32:19

Mkoma a ti woni toneto, e henya, a txi xamukiswa ngu vanana vakwe vavafana ni vamahorana;

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Levhi 26:11

Ni na aka nyumba yangu hagari kwanu, ni moya wangu kha wu na mbi hambana ni nanu.

Genesisi 22:16

yi txi m'gela tiya: “Ni xambanyile ngu ngani nipune, kuwomba Mkoma, Nga ku u nga maha toneto, u nga mbi lamba ni mwanana wako wammweyo,

Jeremiya 12:8

Thomba yangu yi ni wukela ku nga ngonyamo amu txitingani; yi ni bongela, ngukonaho, ni swirekile ngu yona.

Jeremiya 44:26

Ngu toneto, engisani dipswi da Mkoma, motshenu va ka Judha mi zumbako Egipta: Na xambanya ngu ditina dangu da hombe, kuwomba Mkoma, ati to kha di na mbi ngadi di txi khumbukwa kambe ditina dangu ngu txisofu txa m'thu wa ka Judha ditikoni kotshe ka Egipta, a txi khene: Mkoma Txizimu a hanyako!

Jeremiya 49:13

Nguko ni xambanyile ngu ngani nipune, kuwomba Mkoma, taku Bhozira i nava ditiko da txixamaliso, da tingana, da xomulo, di hasamulwako; ni otshe madhoropa akwe ma fuva da magwito.

Hoseya 11:6

Se ditxhari di nata txitimwi ka madhoropa awe, di nata fuvisa sikhweketo sa tisimbi, kambe di na va lovisa, ngu mhaka ya makungo awe.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.

Amosi 5:21

Na venga, na txhipisa mibuso yanu, ni mitshangano yanu ya hombe, nguko kha si ni tsakisi ni kakumweko.

Amosi 8:3

Kambe ditshiku diya wu embeleli wa mathepele u na engiswa, kuwomba Mkoma Txizimu. Sirumbi si na tala ngutu, si na tshotshwa va di malate ka otshe makhalo.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Jeremiya 22:14

Awu a ku khene: “Ni na ti akela nyumba ya hombe. Ni sibhiya so anama, a txi dhoda mafasitela; a txi nameketela makedhari, ni ku yi penda ngu mxowo wo bhilivila.”