Amosi 6:4 - Bhiblia Yo Sawuleka

⁴ Mi otelako ka mibhedhu ya makwasa a tinzofu, mi ti gwimba ha matahoni kwanu, mi dya tinvuta ta mitxhambi, ni marole ya hagari ka mitxhambi;

Amosi 6:4 Referans Kwoze

Jakobe 5:5

Mi zumbile ha mafuni mi si thumi txilo, mi txi nonisa timbilu tanu, ti ti rinzelako ditshiku da kudawa.

Amosi 3:12

Mkoma a womba tiya: Ku nga m'dyisi a hulukisako minenge yimbidi ya nvuta mkanani ka ngonyamo, mwendo txipembwana txa nzeve, va na hulukisisa toneto vanana va ka Israyeli va hanyako Samariya, ka misingo yo zumbiseka ni mu ka mataho a manene.

Luka 16:19

“Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku.

Isaya 22:13

Aniko wonani m'buso litsako; ka dawa tihomu ta mikati, ni tinvuta; kudyiwa nyama ni kuselwa vhinya, aniko kuwombwa tiya: He dyeni, hi sela, nguko mangwana hi na fa.

Masalmo 73:7

Timbilu tawe ti tate ngu wubihi ti txi thekelela se misungo yawe yi tate ngu mialakanyo yo biha.

Esteri 1:6

Ku ti ti tshurisetwe ngu nguwo yo basa, ni ya mkungu ni ya mkuxe wa nzuma, ti di hayekilwe ka tingoti ta linyu yo hehuka ni ya txiwunguwungu, ni sikhweketo sa silivhela, ni ka tiphande ta marigwi a lisima; mibhedhu i ti ti ya nzalama ni ya silivhela, txitimwi ka marigwi o basa, ni a lisima, ni ya alabhastru, ni ya marigwi a lisima.

Jeremiya 16:8

Kambe u nga dhuke u wulela nyumbani ka m'buso, u khalahatsha udya ni kusela kumweko navo.

Ezekhiyele 16:49

Wubihi wa mwananu Sodhoma ngu wuwa: Kutikulisa, kulondola sakudya, wukara wakwe ni vanana vakwe vamahorana; aniko kha zivi kuthumisa manza a txisiwana ni awule wo pwata so maha.

Ezekhiyele 23:41

Kambe u khalahatshile ha m'bhedhuni ka lisima, eho ku ngadi lulamisetwe meza; se u to ya sanzeka ka yona dibaselo dangu ni mafura angu.

Amosi 8:3

Kambe ditshiku diya wu embeleli wa mathepele u na engiswa, kuwomba Mkoma Txizimu. Sirumbi si na tala ngutu, si na tshotshwa va di malate ka otshe makhalo.

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Genesisi 37:25

Ti di ngeto, va to khalahatsha va txi dya sakudya. Mbimo yi va nga gula maso, va to wona mtxawa wa va ka Ismayeli, va kuta ngu Gileyadhi; makamelu awe ma ti rwate mafura o bhumula, ni makha, ni mira, va txi ya naso Egipta.

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!