Amosi 6:10 - Bhiblia Yo Sawuleka

¹⁰ A wu a no teka sirumbi mwendo awu a no wu hisa, taku e teka marambu e huma nawo nyumbani, a na gela awule a ku magwito ka nyumba a txi khene: Kha ku nga ni m'thu. Se ene a na khene: Malala, nguko hi nga thuke hi gwesa ditina da Mkoma.

Amosi 6:10 Referans Kwoze

Amosi 8:3

Kambe ditshiku diya wu embeleli wa mathepele u na engiswa, kuwomba Mkoma Txizimu. Sirumbi si na tala ngutu, si na tshotshwa va di malate ka otshe makhalo.

1 Samuwele 31:12

votshe vavamna va mtamo va to khukha, ve tsimbila wusiku wotshe, veya thavisa txirumbi txa Sawule ni sirumbi sa vanana vakwe digumani ka Bheti-Seyani, ve tsula naso Jebhesi veya si hisa kona.

Amosi 5:13

Ngu toneto, awu a ku ni mapimo a na malala, ka yona mbimo yile, nguko mbimo yi na va yi di bihile.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Jeremiya 44:26

Ngu toneto, engisani dipswi da Mkoma, motshenu va ka Judha mi zumbako Egipta: Na xambanya ngu ditina dangu da hombe, kuwomba Mkoma, ati to kha di na mbi ngadi di txi khumbukwa kambe ditina dangu ngu txisofu txa m'thu wa ka Judha ditikoni kotshe ka Egipta, a txi khene: Mkoma Txizimu a hanyako!

Jeremiya 16:6

Vahombe ni vanana va na fa ngu wubihi wawe ditikoni muwa, va si tshotshwi; vathu kha va na mbi va dilela, hambi ku ti txhavela ni kuyola misungo.

Mitengo 17:12

Vanana va ka Israyeli va to gela Mosi va txi kha vona: Athu hi fite hi txi lova, hotshethu hi na lova!

2 Vafumeli 23:16

Se Josiya a to tshembera e wona mathitha ale ma ngadi hammangoni hale, a to rumisa taku kuthaviswa marambu mathithani, e ma hisa txitimwi ka txiluvelo txile, ngu kumaha keto, a txi nyenyezisile, madingano ni dipswi da Mkoma, di nga huwelelwa ngu m'thu wa Txizimu, mbimo yile a nga huwelela mapswi awa.

2 Vafumeli 6:33

Se a txi nge womba-womba navo, awule wo rumwa a nje bwa; mfumeli a nje khene: Kuwoneka taku dikhombo diya dita ngu ka Mkoma; kona ni ndi na verela txani kambe ka Mkoma kani?

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.