Amosi 6:1 - Bhiblia Yo Sawuleka

¹ Dikhombo ka va va humulako Siyoni, ni va va tipfako va di zumbisekile mmangoni ka Samariya, va ku ni ditina hagari ka matiko o khata, ni vale vatako nyumbani ka Israyeli.

Amosi 6:1 Referans Kwoze

Jakobe 5:5

Mi zumbile ha mafuni mi si thumi txilo, mi txi nonisa timbilu tanu, ti ti rinzelako ditshiku da kudawa.

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Zefaniya 1:12

Se ku na maheka taku, ka yona yile mbimo, ni woningeta Jerusalema ngu malambu, ni tsayisa vavamna vale va khalahatshako txitimwi ka nzambwa yawe, va kukhona ngu mbiluni kwawe: Mkoma kha mahi ta tinene, kambe kha mahi to biha.

Valamuli 18:7

Sekoko vavamna vale va mtxhanu va to khukha ve tsula Layisi; se va to wona taku vathu vale va nga ti tiho hagari ka dona va ti ti tsani, madingano ni tolovelo ya Vasidhoni, vo ti malalela ni kuthembana; ku ti si nga ni mfumeli ni wammweyo, waku ngu mhaka yokari, a txi xupha ni wammweyo ka ditiko dile; kambe va ti ti kule ni Vasidhoni, se va ti si nga ni mhaka ni mmwani m'thu.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Jeremiya 49:31

Khukhani, kwelani mi txi wukela ditiko do thutha, di zumbako ngu kuthemba, kuwomba Mkoma; amu ku kuwalo matimba, hambi sikhweketo, vona va zumba vokha.

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

1 Pedro 5:7

Vekani ka Txizimu kotshe kukarateka kwanu, nguko txona txa mi khatalela.

Amosi 8:14

Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.

Jeremiya 7:4

Mi nga thembeni timhaka ta makuhu, mi txi khanu: Dithepele da Mkoma, Dithepele da Mkoma, Dithepele da Mkoma ngu dona diya!

1 Vafumeli 16:24

Na a di Semeri a to xava mmango wa Samariya ngu titalenta timbidi ta silivhela, se e aka mmangoni, se a to raya didhoropa dile ku khene i Semeri, nyamne wa mmango wa Samariya.

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Jeremiya 48:11

Mowabhi a ti ti zumba kuthuthani kukhukhela ha wuphyani kwakwe, a zumbile tithombani kwakwe; kha nga thaviswa ka txiya a txi vekwa ka tximwani, kambe kha tsuliswa wukhumbini; ngu mhaka yeto a xayisile wunene wakwe, ni kubhumula kwakwe kha nga txitxa.

Masalmo 123:4

Timbilu tathu ta kolwa ngu kuvengelwa ngu vale vo zumbiseka ni kupoyilelwa ngu vale vo tiguleta!

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Amosi 3:9

Pfalisani tiya ka tinyumba ta wukoma ta Asidhodhi, ni ka tinyumba ta wukoma ta ditikoni ka Egipta, mi txi khanu: Sengeletanani mimangoni ka Samariya, mi wona pfilu-pfilu ya hombe hagari ka dona, ni vale va xaniswako ka dona.

Amosi 5:27

Aniko, na mi tshutisa wukhumbini na i si nga Dhamasku, Kuwomba Mkoma, a wu ditina dakwe i ku Txizimu txa Mabutho a Tiyimbi.

Mavingu 1:32

Nguko avale vo pwata mapimo va na dawa ngu kutimela kwawe, se kuhumelela ka siphukuphuku ku na va fuvisa.

Jeremiya 2:3

Sekoko Israyeli i ti ti msawuleki wa Mkoma Siyalo so khata sa kufunyela kwakwe; votshe vale va mvandamulako va ni mnandu va na welwa ngu dikhombo, kuwomba Mkoma.”

Jeremiya 5:5

Naya ka vahombe, ni naya womba-womba navo; nguko va ziva nzila ya Mkoma, ni milayo ya Txizimu txawe.” Aniko votshe va ti ti funyile dikange, ni kubhenula majoke.

Amosi 9:10

Votshe vaonhi va ditiko dangu va na fa ngu ditxhari, ava va ku kha vona: Wubihi kha wu na mbi gwatama ni nathu, hambi ku hi mana.

Mika 3:1

Se ani ni to khani kambe: Engisani konkuwa anu vathangeli va Jakobe, ni nanu vakoma va nyumba ya ka Israyeli: Ina kha ti lumbi anu kuziva madingano kani?