Amosi 5:8 - Bhiblia Yo Sawuleka

⁸ Lavani wu a nga maha Mtxhanu wa tinyeleti ni timbidi ni Oriyoni, a phemberusa txidema txi maha kuwonekela ka mixo, e tshumela e phemberusa mitshikari yiva wusiku a wu a dhanako mati a linene e ma theletela txitimwi ka mafu; ditina dakwe i Mkoma.

Amosi 5:8 Referans Kwoze

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Jobe 9:9

atxi txi nga va nga Txingwingwi, Nyezi, ni Tinyeleti ta mtxhanu ni timbidi, ni sotshe so tshima sa Wuphemba.

Amosi 9:6

Ngene a akako tinyumba takwe nzumani, e tsanisa nzuma mafuni a dhanako mati a linene, e ma nisa txitimwi ka mafu; ditina dakwe ngene Mkoma.

Amosi 8:9

Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Masalmo 104:20

Wa wuyisa txidema, ku txi maha wusiku, se sihari sa txitinga si huma si tsimbilatsimbila.

Masalmo 105:28

Txizimu txi rumete txidema txi fenengeta Vaegipta, aniko vona kha va khatala ngu txiziviso txiya.

Jobe 12:22

Txizimu txa kombisa kutshima ka txidema, se txi tisa mtsudi wa lifo kuwonekelani.

Luka 1:79

ku ta woninga ava va manekako mtemani ni mtsudini ka lifo, ni ku hi tsimbilisa ngu nzila ya kudikha.”

Matewu 4:16

vathu va va nga ti zumbile ditikoni ka kuphuma, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.”

Isaya 59:10

Hi hulumetela maseta kufana ni mabhofu; ina, hi hulumetela kufana ni vale va singako ni maso, hi gutwa ni mitshikari kufana ni txidema, hagari ka makhalo a txidema, hi fana ni sirumbi.

Isaya 42:16

Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.

Jobe 38:34

Mwendo u nga guleta dipswi dako kala marefuni, kasi ku u txi welwa ngu mati amangi kani?

Jobe 37:13

kumahela kuva txikhawuliso ka mafu mwendo kuva tikatekiso ka mafu, hambi kuninga kuhanya kakunene.

Jeremiya 16:21

“Ngu konaho ni na va maha ve ziva, ni na va maha ve ziva dianza dangu ni mtamo wangu, kambe va na ziva taku ditina dangu, ngani Mkoma!”

Jeremiya 33:2

Kuwomba Mkoma awu a thumako mthumo wakwe, awu a longiselako ni kumaha; i Mkoma ditina dakwe: