Amosi 5:7 - Bhiblia Yo Sawuleka

⁷ Anu mi phinduketako wunene ngu mbiti, ni kurinza hahatshi wululamo.

Amosi 5:7 Referans Kwoze

Amosi 6:12

Ina mahantxhi ma nga tutuma marigwini kani? Mi nga kudima ngu tihomu kani? Ngu kutxani mi hindula wulamuli wa wunene ngu wubihi, ni mihando ya wululamo ngu wukanganyisi kani?

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Hoseya 10:4

Va andisile mapswi, ve xambanya makuhu, ve maha txitumelelano; Konaho, yi na tshura mialakanyo ku nga txihya amu tithembweni.

Ezekhiyele 3:20

Kufana ni toneto, ngako m'thu wo lulama a txi huma ka nzila yakwe yo lulama, e maha to biha, se ani ni veka txa ku mu humba masoni kwakwe, a na fa; ngako u sa mtxharihisa, a na fa ka wubihi wakwe, se a tile to lulama a nga maha, kha ti na mbi alakanywa, aniko mnoha wakwe, ni na wu lava manzani kwako.

Dhewuteronome 29:18

Ku nga thuke ku txi vaho hagari kwanu wamwamna mwendo wamsikati, mwendo mwaya mwendo lihunzu, ahale mbilu ya vathu va kona yi ti hambukisako ka Mkoma, Txizimu txathu, ngu kuya khozela sizimu sa ona matiko ale; kasi ku hagari kwanu ku si maneki mkoloti wu wu velekako mndonga wa nyongwa, mwendo wo bava.

Ezekhiyele 33:18

Ngako mlulami a txi huma ka wululamo wakwe, a txi maha to biha, a na fela ka tona.

Ezekhiyele 18:24

Aniko ngako m'thu wo lulama a txi leka kululama kwakwe, se a txi maha ta kwa mbi lulama, a txi maha totshe ta manyala tile ti mahwako ngu m'bihi, ina a nga hanya kani? Kotshe kululama kule a nga kumaha, kha ku na mbi alakanywa; wuhambunyeti wu a nga hambunyeta ngu wona, ni txionho txile a nga txi maha, a na fela ka sona.

Isaya 10:1

Dikhombo ka vale va vekako milayo yo mbi lulama, ni vabhali vale va bhalako milayo yo xanisa vathu.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Masalmo 125:5

Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!

Masalmo 36:3

Kuwombawomba kwakwe nga kubiha ni makuhu; a lekile ni kuengisa ni kumaha ti i ku ta tinene.

Mavingu 21:7

Wulala wa vabihi wu gwita ngu ku va lovisa, nguko vona va lamba kumaha kululama.

Isaya 5:20

Dikhombo ka vale va ku kha vona to biha ndinene, se ta tinene va txi ndo biha! Va tekako txidema ve txi maha kuwonekela, ni kuwonekela ve kumaha txidema, so bava ve si maha so lombela, se so lombela ve si maha so bava!

Amosi 2:3

Ni na thavisa mlamuli hagari kwakwe, ni daya votshe vathangeli vakwe kumweko ni nene, kuwomba Mkoma.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.

Isaya 46:12

Ni engiseni anu vo banga timbilu, anu mi ku kule ni wululamo.

Mika 3:9

Engisani konkuwa tiya anu vathangeli va nyumba ya Jakobe, ni nanu vavathangeli va nyumba ya Israyeli; mi nyenyako wululamo, mi sanula totshe ti i ku madingano,

Habhakuki 1:4

Ngu mhaka yiya, mlayo wa hungulwa mtamo, se timhaka kha ti nja nga hoka magwito; nguko m'bihi a randela wule wo lulama, se timhaka ti lamulwa ngu nzila yo wekela.