Amosi 5:6 - Bhiblia Yo Sawuleka

⁶ Lavani Mkoma mi na hanya, kasi ku si rinzwi mndilo ka nyumba ya ka Josefa, wu txi yi tshokomisa, ku si maneki ni wammweyo Bheteli, wa ku yi tima.

Amosi 5:6 Referans Kwoze

Isaya 55:6

Lavani Mkoma a txi ngadi e maneka, m'dhaneni a di ngadi hafuhi.

Amosi 5:14

Lavani wunene i si nga wubihi, ti to mi hanya, koneho Mkoma, Txizimu txa Mabutho a Tiyimbi, a na va ni nanu, nga ku mi wombako.

Amosi 5:4

Mkoma a womba tiya ka va Israyeli a txi khene: Ni laveni mi na hanya.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Zakariya 10:6

Se ni na tsanisa nyumba ya ka Judha, ni hanyisa nyumba ya Josefa, ni na tshumela ni va phaya, nguko ni va pfete wusiwana; se va na nga kha ni khali ku va lamba; nguko ani ngani Mkoma, Txizimu txawe, kambe ni na va engisa.

Amosi 6:6

Mi selako vhinya ngu magombe, mi tola mafura a lisima, kambe mi ka pandiseki ngu ku wa ka Josefa:

Ezekhiyele 37:19

Se awe u na khawe: Mkoma Txizimu a khene: Wonani taku ni na teka ndonga ya Josefa, ayile yi nga ti ti manzani ka Efrayime, ni tindonga ta tihunzu ta ka Israyeli, ni vangana vakwe, ni txi ti pata ka ndonga ya ka Judha, ni na maha ngu tona ndonga yimweyo, se tona ti nava ndonga yimweyo manzani kwangu.

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

Isaya 1:31

Se m'thu wa mtamo a na fana ni wufemu wa txikwenga, ni mthumo wa kona wu na fana ni tshatsha ya mndilo, aniko va na tura ngu wumbidi wawe, kupwateka ni wo va timela.

1 Vafumeli 11:28

Se wamwamneyo Jerobhowamu, i ti dijaha da ndena; mbimo yi a nga wona dijahedo Solomoni, i nga ti wo thuma, a to m'veka txitimwi ka wotshe mthumo wa nyumba ya ka Josefa.

2 Samuwele 19:20

Nguko txithumi txako txa tiziva taku txi onhile; kambe wona taku ani ni wo khata ka yotshe nyumba ya Josefa wu a nga relela ku ta tshangana ni mfumeli, nyamne wangu.

Joxuwa 18:5

Va na bhandelela ditiko ngu mtxhanu wa syavelo ni simbidi. Judha a na zumba ditikoni kwakwe, wulambwe; va lihunzu la ka Josefa va na zumba ditikoni kwawe, wuphemba.

Dhewuteronome 4:24

Nguko Mkoma, Txizimu txako, mndilo wu wu tshokomisako, Njizimu txa txiluse.

Eksodha 22:6

Ngako wuhya wu txi hisa txitinga, wu txi tshapela ka thembwe ya mmwani, wu txi hisa fulaho mwendo siyalo hambi txitinga, awule a nga hisa wuhya, a na diha sotshe sile si nga hiswa.

Masalmo 27:8

“Mbilu yangu ya ni gela, yi txi kha yona: Tsula u txi ya wonana ni Mkoma;” Ina, ani ni lava ku kuwona, Mkoma!

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Amosi 3:14

Ditshiku di ni no tsayisa Israyeli ngu kundaka kwakwe mlayo, ni na tsayisa txiluvelo txa Bheteli; se titxheho ta txiluvelo ti na wilwa ti wela hahatshi.

Zefaniya 2:3

Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

2 Makronika 34:25

Nguko va ni lekile veya hisela dibaselo sizimu simwani, kasiku ni wusela kuhenya kwangu ngu yotshe mithumo yawe, se ngu toneto kuhenya kwangu na kuthekete txitimwi ka wukhalo wuwa, ku na pwateka ni wammweyo awu a no sikota ku kuthavisa.

Masalmo 69:33

nguko Txizimu txa engisa sikulungu txona kha txi tsakeli vathu va txona va di kupandisekani.

Jeremiya 38:20

Jeremiya a to khene: Kha va na mbi kuningela; hi nga engisa dipswi da Mkoma, adi ni ku gelako dona; u na zumbiseka u hanya.

Ezekhiyele 21:3

Womba ka ditiko da ka Israyeli u txi khawe: Mkoma a khene: Wona taku na kuwukela, ni na swomola ditxhari dangu ngu msavani kwangu, ni fuvisa hagari kwako, vo lulama ni vabihi.