Amosi 5:5 - Bhiblia Yo Sawuleka

⁵ Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.

Amosi 5:5 Referans Kwoze

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Amosi 8:14

Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.

Amosi 4:4

Ngonani Bheteli, ndakani mlayo; mi engetela kundaka mlayo mi di Giligali, mixo ni mixo nahetani miphaxo yanu, ngu masiku mararu-mararu, mi neha sa wugumi sanu.

Genesisi 21:33

Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

Mtuletelo 18:17

Ngu txikhati txa tximwetxo dwe, thomba yayingi ngutu yi fuvisilwe!” Votshe va tsimbitisi va sitimela sa mati ni va va endako ngu nzila ya mati, vatxungeli ni votshe va va bhindulako ngu kuthumela lineneni va to emela kule.

1 Vakorinto 2:6

Hambi keto, athu hi womba-womba ngu wuzivi hagari ka vale i ku vo thembeka, kambe hi womba-womba ngu wuzivi wo va i si nga wa ditiko diya, awu kambe i si nga wuzivi wa va va fumako ditikoni muwa, ava va no gwita ngu kufa.

1 Vakorinto 1:28

Asile i ku so dheleleka ni sile i ku sa ku ambi nyawula ha ditikoni, Txizimu txi si sawute, kasiku asile i ku sa hombe si xulwa ngu sile i ku sa sidotho,

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Hoseya 12:11

Ina Gileyadhi hi nga ene wubihi kani? Vona kha va vhuni txilo ngu ditshuri; Kona Giligali va daya tihomu; siluvelo sawe si fana ni mimumbu ya marigwi, madhawani ka tithembwe.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Hoseya 9:15

Wotshe wubihi wawe wu maneka Giligali nguko nguho ni nga va nyenyela kona; ngu mhaka ya wubihi wa mithumo yawe, ni na va tshotsha hahanze ka nyumba yangu, kha ni na mbi va randa kambe; votshe vathangeli vawe mba kutitsimba.

Isaya 29:20

Nguko mxanisi kha na mbi va txilo, se mtseketseli a na ti lovisa, ni votshe vale va ti ningelako ka wubihi, va na thaviswa,

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

Masalmo 33:10

Mkoma wa vhinganyisa makungo a matiko; ene wa va thindekisa kumaha makungo awe.

Jobe 8:22

Vaxamukisi vako va na ambala pfilu-pfilu, hambi ditenda da vo biha kha di na mbi vaho kambe.

1 Samuwele 11:14

Se Samuwele a to khene ka vathu: Ngonani, hi tsimbileni Giligali hi ya wuseta kona mfumo.

1 Samuwele 7:16

Se dilembe ni dilembe Samuwele a ti ti tsula eya rendelekela Bheteli, ni Giligali, ni Misipa; se e lamula va ka Israyeli ka otshe makhalo ale.

Dhewuteronome 28:41

U na veleka vanana va mazambi ni vamahorana, avale va no mbi kulumba, nguko va na tsula wukhumbini.

Genesisi 21:31

Ngu mhaka yeto wukhalo wule va to wu dhana ku i Bherisebha, nguko va xambanyile koneho ngu wumbidi wawe.

1 Samuwele 8:2

Se ditina da mwanana wakwe wa matiwula i ti ti Joyeli, kambe ditina da wa wumbidi i ti ti Abhiya; i ti valamuli kona Bherisebha.

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

1 Vafumeli 12:29

Se a vekile txizimu tximwetxo kona Bheteli, e veka tximwani kona Dhani.

Amosi 3:14

Ditshiku di ni no tsayisa Israyeli ngu kundaka kwakwe mlayo, ni na tsayisa txiluvelo txa Bheteli; se titxheho ta txiluvelo ti na wilwa ti wela hahatshi.

Amosi 7:10

Sekoko Amaziya, mphaxeli wa Bheteli, a rumisa kugela Jerobhowamu, mfumeli wa ka Israyeli: Amosi a womba-womba kubiha ngu ngawe hagari ka vathu va ka Israyeli; mafu ma na mbi xaniswa ngu mapswi otshe ya a ma wombako.

Amosi 7:13

Kambe a ha Bheteli, kukhukhela kuwa kala kupinduka, khu na mbi ngadi u profeta kambe, nguko wukhalo wo sawuleka wa mfumeli ni nyumba ya mfumo.

Genesisi 26:23

Koneyo, Isaake a to khukha a txi ya Bherisebha.

Genesisi 26:33

Se txisimetxo, Isaake a txi dhani ku i Sebha. Ngu konaho di khukhelako kona ditina da didhoropa, daku i Bherisebha, kala ka ditshiku da nyamsi.

Joxuwa 5:9

Mkoma a wombile kambe ka Joxuwa a txi khene: “Nyamsi ni thavisile kwanu tingana ta Egipta.” Ngu toneto, wukhalo wule, wu dhanwa ku i Giligali, kala ka ditshiku da nyamsi.

2 Vafumeli 23:8

Se a to dhana votshe vaphaxeli va madhoropa a ka Judha, e nyamisela siluvelo si va nga txi hisa ka sona dibaselo, kukhukhela Gebha kala Bhersebha, se a to khundumusa siluvelo sa matimba, si nga ti ti maneka ha txikeni ka ditimba da Joxuwa, mthangeli wa didhoropa, si nga ti ti maneka ka didhawa da txibhabha ka wule a nga ti ti wulela ngu ditimba da didhoropa.

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.

Amosi 1:5

Ni na faya matimba a tisimbi a Dhamasku, kambe ni na heta va va zumbako Bhikeyati-Avheni, ni va Bheti-Edheni; se vathu va Siriya va na tekwa ve yiswa wukhumbini, kona Kiri, kuwomba Mkoma.

Amosi 7:9

Kambe makhalo o guleka a Israyeli ma na hoxotwa ni makhalo a vakhongeli va Israyeli ma na loviselwa magwito. Se na wukela nyumba ya ka Jerobhowamu ngu ditxhari.