Amosi 5:3 - Bhiblia Yo Sawuleka

³ Nguko Mkoma Txizimu a womba tiya: Ka didhoropa di kuhumako 1.000, ku na vekiswa dizana, se ka dile kuhumako dizana, ku na vekiswa digumi, ka nyumba ya ka Israyeli.

Amosi 5:3 Referans Kwoze

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

Ezekhiyele 12:16

Aniko, hagari kwawe ni na siya vokari, vo huluka ka ditxhari, ka nzala ni mtungu, kasi ku va na xawutela manyala awe ka matiko ale va no ya ka ona; se va na tiziva taku ani ngani Mkoma.

Isaya 10:22

Nguko hambi ku vathu vako, awe Israyeli, va fanako ni mtxhefa wa lineneni, miboti yokha ngu yona yi no hulukiswa; kulovisa kutsanisilwe, ka thekelela ngu kululama.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Dhewuteronome 28:62

Ku na sala vathu vavadotho kwanu, anu mi nga ti vavangi nga tinyeleti ta nzumani. Ngu mhaka ya kwa mbi engisa kwanu dipswi da Mkoma, Txizimu txanu.

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

Amosi 6:9

Se ku na maheka taku, ku txi sala digumi da vavamna ka m'ti, va na fa.

Masalmo 144:14

Tihomu tathu ti na have kwati, ti txi ena. Mikhokhola yathu kha ya dolwa, kha ku nga ni kuyiswa kupayulwani, kha ku nga ni kudila maphangoni kwathu.

Dhewuteronome 28:63

Ngu toneto, kufana ni kuwa Mkoma a nga txi tsaka ngu ku mi mahela ta tinene, ni ku mi andisa, kufana ni toneto, a na tsaka kambe ngu kuva mi txi loviswa, mi txi fuva; nanu mi na dulwa mi txi humiswa ka ditiko di mi yelako kuya di teka.