Amosi 5:27 - Bhiblia Yo Sawuleka

²⁷ Aniko, na mi tshutisa wukhumbini na i si nga Dhamasku, Kuwomba Mkoma, a wu ditina dakwe i ku Txizimu txa Mabutho a Tiyimbi.

Amosi 5:27 Referans Kwoze

Mithumo 7:43

Kambe mi rwate m'dhuti wa Moloke ni nyeleti ya txikwembu txanu Refani. I ku sithombe si mi nga si maha kasi ku si khizamela. Ngu konaho ni na mi payula ni mi yisa ka kupinda Bhabhilona.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

Jeremiya 38:17

Sekoko, Jeremiya a to khene ka Zedhekiya: Mkoma, Txizimu txa Mabutho a Tiyimbi, Txizimu txa ka Israyeli, a khene: Ngako u txi huma u ya ti ningeka ka vanana va mfumeli wa Bhabhilona, se awe u na hanya, ni didhoropa diya kha di na mbi hiswa ngu mndilo; u na hanya awe ni nyumba yako.

Amosi 5:26

Txo khata mi tekile ditenda da Moloke wanu, ni txiluvelo txa sifaniso sanu, ni nyeleti ya txizimu txanu, mi nga ti mahela mipune.

Amosi 6:1

Dikhombo ka va va humulako Siyoni, ni va va tipfako va di zumbisekile mmangoni ka Samariya, va ku ni ditina hagari ka matiko o khata, ni vale vatako nyumbani ka Israyeli.

1 Vafumeli 14:15

Kambe Mkoma a na tsayisa Israyeli, kufana ni kuzinginika ka litshava amu matini, se a na dula Israyeli ka ditiko di a nga ti ningile vatate vawe, se a na va hangalasa mtxhatuko ka mnambo wa Ewufrate, nguko va ti mahete txifananiso txa Aseri, i ku txizimu txa txisikati ve txi khozela, ve wusa kuhenya ka Mkoma.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

Amosi 6:7

Ngu koneho, konkuwa, mi na ya wukhumbini, ku va vo khata va ku na maha tikhumbi, se mi na gwita ni mibuso ya mipipi.