Amosi 5:22 - Bhiblia Yo Sawuleka

²² Hambi ni txo ni ninga miningelo, ni miningelo ya sakudya, na mbi tsaka ngu sona, kambe na mbi wonetela miningelo ya sihari sanu.

Amosi 5:22 Referans Kwoze

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Masalmo 116:17

Ni na phaxa mhamba ya ku kudhumisa ni txi khozela ditinani ka Mkoma.

Masalmo 50:23

Awule a ni mahelako mphaxo wa kubonga, ni na m'guleta; ni wule a tsimbilako ngu nzila yangu, ni na mkomba kuhanyisa ka Txizimu.”

Levhi 7:11

Asiya sileleto nza mhamba yo bonga masoni ka Mkoma, ngu mhaka ya mpatano:

Masalmo 40:6

Awe khu naveli timhamba ta sihari mwendo ta mitxelo ya mafu, khu vileli kambe timhamba to hiswa, to dihela sionho.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Isaya 1:11

Mkoma a khene: Yi ni vhuna txani miphaxo yanu yo tala kani? Ni karate ngu miningelo yo hiswa ya tihamba, ni mafura a sifuyo so nona; kha ni tsakeli mnoha wa marole, wa sivuntana, ni mnoha wa tiphongo.

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Jeremiya 7:21

Mkoma wa Mabutho a Tiyimbi, Txizimu txa Israyeli, a khene: Patani miningelo yanu ya kuhiswa ni miphaxo yanu, midya nyama ya yona.

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Amosi 5:23

Tshuketisani kule diguwa da tindando tanu, kha ni na mbi engisa mpfumawulo wa sivetaveta sanu.

Malakiya 1:9

Konkuwa koko, kombelani ka Txizimu, se txona txi na hi pfela wusiwana; atiya ti tile ngu manzani kwanu, ene a na mi tumela kani? Kuwomba Mkoma wa Mabutho a Tiyimbi.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.