Amosi 5:21 - Bhiblia Yo Sawuleka

²¹ Na venga, na txhipisa mibuso yanu, ni mitshangano yanu ya hombe, nguko kha si ni tsakisi ni kakumweko.

Amosi 5:21 Referans Kwoze

Mavingu 28:9

Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

Levhi 26:31

Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Jeremiya 14:12

Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

Ezekhiyele 23:18

Ngu kumaha keto, a to maha wufenze, e humisa wumbwiri wakwe; sekoko moya wangu wu to ya kule nayo, nga kule moya wangu wu nga ti ti tsute kule ni mkomwakwe.

Hoseya 2:11

Se na heta kutsaka kwakwe kotshe, ni mibuso yakwe, ni kumeka ka mitxima yakwe, ni Masabbata akwe, ni yotshe mibuso yakwe.

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Amosi 4:4

Ngonani Bheteli, ndakani mlayo; mi engetela kundaka mlayo mi di Giligali, mixo ni mixo nahetani miphaxo yanu, ngu masiku mararu-mararu, mi neha sa wugumi sanu.

Amosi 4:5

Mi ningela miphaxo ya kudhumisa ya si so tshumbelwa, mi peka nyiwo ya miphaxo ya kutxhatxheka, mi huwelela; nguko eto ma ti dhunda, anu vanana va ka Israyeli, kuwomba Mkoma Txizimu.

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.