Amosi 5:2 - Bhiblia Yo Sawuleka

² Dihorana do tuma da Israyeli di wite, di na mbi ngadi di wuka kambe: A tsukutwe ditikoni kwakwe, kha ngaho awu aku na mu wusa.

Amosi 5:2 Referans Kwoze

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Amosi 9:11

Ka ditshiku dile, ni na tshumela ni guleta ditenda da Dhavhidha, di nga wa, ni vhaletela amule ku nga vharuka, ni tshumela ni wusa marumbi, ni ma aketa kufana ni masiku a kale;

Amosi 8:14

Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Sidilo 2:13

Awe Jerusalema, ni kuninga wufakazi wa txani kani? Ni nga kudinganisa ni mani awe mwanana wa dihorana wa Jerusalema kani? Ni nga kufananisa ni mani kasi ku kuthavelela awe wotuma wa Siyoni kani? Nguko txilonda txako nja hombe nga linene; i mani a no kukalamukisa kani?

Jeremiya 51:64

Se u na khawe: A na bhwabhwamelisa tona tiya Bhabhilona, kha na mbi deluka, ngu mhaka ya wubihi wule ni no wu tisa txitimwi kwakwe, se vona va na karala. Mapswi a Jeremiya ma ema hawa.

Jeremiya 50:32

Awule wa kutikulisa, a na ti guta a txi wa, kha ku na mbi va ni wammweyo wa ku mu wusa; ni na dhivela mndilo ka madhoropa akwe, awu wu no hisetela otshe makhalo akwe.

Jeremiya 31:4

Ni na kuaketa, u na va u di akilwe, awe wotuma wa Israyeli; u na tshumela u txi ti longisela sikhiti, u txi huma kuya sinya ngu kutsaka.

Jeremiya 18:13

Ngu konaho Mkoma a khene: “Wotisani hagari ka matiko mwendo waho a nga ngapfa to nga toneto kani? Wotuma wa Israyeli a mahile mhaka yo thisa ngutu.

Jeremiya 4:20

Kuhuwelela ngu kuloviswa txitimwi ka kulovisa, nguko ditiko dotshe di hasamutwe. Matenda angu ma khundumutwe ngu txidhukisa, ni midhuti yangu ngu mbimwanyana.

Jeremiya 2:27

Ava va wombako ka mndonga va txi kha vona: Awe u tate wangu, se va txi kha vona ka dirigwi: Ani ni velekilwe ngu ngawe; nguko va ni tshuralete, kha va ni rendekeli; aniko, mbimo ya dikhombo, va na kha vona: Ema, u txi hi xanguta!

Isaya 43:17

wule a nga tisa txikotxikani ni dihantxhi, dibutho da yimbi ni mtamo; vona va wite kumweko, kha va na mbiswa ve wuka; va fuvisilwe, va timekile kufana ni ngoti ya dilambu.

Isaya 37:22

dipswi di a ngadi womba Mkoma madingano ni Senakeribhe, ngu diya: Mwanana wotuma wa dihorana wa Siyoni, wa kutxhipisa, kambe wa kupoyilela; mwanana wa muhorana wa Jerusalema wa zinginisa msungo msana kwako.

Isaya 24:20

Mafu otshe ma na dhedhereka kufana ni didevi, kambe ma na zinginiswa, me thaviswa ni wusiku, nga mtxhatxha; se wuhambunyeti wa ona wu na ma nemelela, ma nawa, ma si wuki kambe.

Isaya 14:21

Longisani wukhalo wu vanana va no dawelwa ka wona, va fela sihono sa vatate vawe, kasi ku va si wuki ve fuma mafu, hambi ku va sitate ditiko ngu madhoropa awe.

Isaya 3:8

Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

Jeremiya 8:4

Kambe u na va gela, u txi khawe: Mkoma a khene: Ina m'thu a ngawa asi tshumeli e wuka kani? A nga phawuka asi tshumeli e wuya kani?

Jeremiya 9:9

Ina ani na mbi va tsayisa ngu mhaka ya sona siya kani? Kuwomba Mkoma. Ni na ti pharelela ka ditiko do nga diya kani?

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.